लुका 19:9 - ॱलोवा

⁹ धेनी येशुगी खोला सुवालाक, “धीरीङ दे नाङदु थारपा ॱलेप्‍दुक घीझ्‍येरी ॱनाना मी देयाः आब्‍राहामगी भु लाक।

लुका 19:9 Iomraidhean Croise

लुका 13:16

धा दे केमी आब्‍राहामगी भोमो दे सातानगी लागाला लो चाबग्‍ये थुक्‍पे स्‍योर हो़तालाक धेनी ङासुगीन ङीमाला, मोला होदेगी लागाने टो ॱमेक्षोक्‍वाले?”

लुका 13:30

“तो़दाङ, एम्‍मा हीन्‍गीन रीङगा स्‍याम्‍मा झ्‍युङगीलाक धेनी स्‍याम्‍मा हीन्‍गीन रीङगा एम्‍मा झ्‍युङगीलाक।”

लुका 16:24

धेनी क्षुक्‍पु मीगी़ फेरा ग्‍याप्‍ती ॱनेवालाक, ‘याप आब्‍राहाम, ङाला ॱङीङजे जेदी लाजारला झाङरोनाङ धेनी खी़ खोरी जुगो क्षुला चुक्‍ती, ङी च्‍येमो सीसाई जेदु च्‍युक्‍रोनाङ। घीझ्‍येरी ॱनाना ङाला मेचे दी नाङला ॱमीच्‍यीकी दुक्‍पु क्षे दुक।’

लुका 16:30

खी़ ॱनेवालाक, ‘मालाक, याप आब्‍राहाम, स्‍यीम्‍बुक्‍याने च्‍यीक खुङक्‍याचारु डोना, खुङक्‍याई खोरी धीक्‍पा पारी सेम ग्‍युरकीलाक।’

लुका 2:30

घीझ्‍येरी ॱनाना मीरीक घीरीगी दोङदु को़ जेजा, खेराङगी थारपागोला ङी ॱमीकगी थोजुङ।

लुका 3:8

खेक्‍या खेरी धीक्‍पा पारी, सेमग्‍युर हो़गीनगी ढेबु तो़न धेनी राङला ‘हीकी याप आब्‍राहाम लाक।’ ॱनेरी ॱमाना, घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने आब्‍राहामगी क्षीदु टुवाक्‍या को़ जे थुक्‍कीलाक।

रोमापा 4:16

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

गालातीयापा 3:29

धा खेक्‍या मास्‍यीकागी हीन्‍ना, खेक्‍या आब्‍राहामगी भुग्‍यु लाक धेनी को़न्‍क्षोकगी धाम्‍चाला थी़न्‍गीन ग्‍युज्‍यीनक्‍या लाक।

गालातीयापा 3:7

होझ्‍येरी धेपा झ्‍यीगीनक्‍या नी, आब्‍राहामगी टुवा लाक ॱनेरी खेक्‍या स्‍येलाझ्‍यी।

१ पेटो 2:10

धी़ च्‍यीकला खेक्‍या को़न्‍क्षोकगी मी मालाक हीना धान्‍दा खेक्‍या को़न्‍क्षोकगी मी लाक। धेनी धी़ च्‍यीकला खेक्‍याला ॱङीङजे ॱमाथोप हो़तालाक हीना धान्‍दा, खेक्‍याला ॱङीङजे थोप हो़तालाक।