लुका 19:22 - ॱलोवा

²² ग्‍यावुगी खोला ॱनेवालाक, ‘ॱयोक्‍पो ङेन्‍पा ख्‍यो़, ख्‍यी़ छीकक्‍यानेराङ ङा ख्‍यो़ला ठीम ताङयेहीन। ङा माश्‍याक्‍कीनने लेन्‍गीन धाङ ॱमाताप्‍कीनने ॱङागीन मी ग्‍योङा च्‍यीक लाक ॱनेरी ख्‍यी़ स्‍येरीयाः

लुका 19:22 Iomraidhean Croise

मेथा 12:37

घीझ्‍येरी ॱनाना खेरी छीकक्‍याई थोक्‍ने, ख्‍यो़ दाक्‍कीलाक याङमेना ख्‍यी़ छीकक्‍याई थोक्‍ने ख्‍यो़ला ठीम फोक्‍कीलाक।”

मेथा 22:12

धेनी खी़ खोला ॱनेवालाक, ‘छोटोओ, ख्‍यो़ क्षाङजी घोलाक माघो़न्‍पा घाङगी झ्‍येरी दुरु होवा?’ धेनी होदे मीगो घीया ॱना ॱमाथुक्‍पालाक।

लुका 19:21

ङा खेराङला जीक्‍जुङ घीझ्‍येरी ॱनाना खेराङ मी ग्‍योङा च्‍यीक लाक। खेराङगी माश्‍याक्‍कीनने खेराङ लेन्‍दालाक धेनी ॱमाताप्‍कीनने खेराङ ॱङालाक।’

लुका 19:23

घीझ्‍येरी ख्‍यी़ ङी टाङगागो ॱङुखाङदु माश्‍याक्‍पा? ॱङुखाङदु श्‍याक्‍हो़ना ङा लोक्‍ती हुई घाङला होदे टाङगामुला भेब गोवा जोरये हो़क।’

रोमापा 3:19

धा क्षो़ठीमगी घी सुङगीन घीरी, क्षो़ठीमगी वाङ होकला हो़गीनक्‍याला सुङालाक ॱनेरी, होरी स्‍येलालाक। दे नी, मी घीरीगी खा काक्‍ये धाङ जीक्‍तेनगी मी हो़ले, को़न्‍क्षोकगी ठीम्‍चो़ होकदु ठीक्‍ती हुङयेगी क्षीदु लाक।