लुका 19:13 - ॱलोवा

¹³ होझ्‍येरी खी़ खोरी ॱयोक्‍पो च्‍युला भो़री, रे-रेला ॱङुटाङ च्‍यु तेरती ॱनेवालाक, ‘ङा लोक्‍ती मायोङ थुक्‍पे दे टाङगाने छोङ झ्‍यी।’

लुका 19:13 Iomraidhean Croise

मेथा 25:16

सेरगी टाङगा ॱङातोङ जोरकीनगो, लाम्‍साङ सोरी होदेने छोङ झ्‍येरी, सेरगी टाङगा ॱङातोङ यालीङ साक्‍पालाक।

मेथा 25:20

धेनी सेरगी टाङगा ॱङातोङ जोरकीनगी़ यालीङ टाङगा ॱङातोङ खेरती, दोङला होवालाक धेनी श्‍यी़वालाक, ‘दाक्‍पो, खेराङगी ङाला सेरगी टाङगा ॱङातोङ ॱनावालाक। धा दुरु ङी टाङगा ॱङातोङ यालीङ शो़हो़क।’

मेथा 25:22

धा टाङगा ङीतोङ जोरकीनगोवा, दोङला होरी श्‍यी़वालाक, ‘दाक्‍पो, खेराङगी ङाला टाङगा ङीतोङ ॱनावालाक। धा ङी दुरु यालीङ टाङगा ङीतोङ शो़हो़क।’

मेथा 25:24

“धा सेरगी टाङगा च्‍यीकतोङ जोरकीनगोवा दोङला होरी श्‍यी़वालाक, ‘दाक्‍पो, राङगी ॱमाताप्‍कीन साने ॱङागीन धाङ राङगी साङा ॱमातोरकीन साने धुगीन, खेराङ मी ग्‍योङा च्‍यीक लाक ॱनेरी ङाला स्‍येयेहो़क।

लुका 19:12

होझ्‍येरी खोङबागी सुवालाक, “कुटाक्‍पा च्‍यीक ग्‍यावुगी आङजा थोप्‍ये धाङ लोक्‍ती हुङयेला, यु थाक्‍रीङा च्‍यीकदु सोवालाक।

लुका 19:14

“हीना खी़ युगी मीक्‍या खोला थेदा मीझ्‍यीदालाक होझ्‍येरी होदेक्‍याई खी़ स्‍याबाला देरे ॱनेरी भाङछेनक्‍या झावालाक, ‘हेक्‍याला मी दे ग्‍यावु मेघो।’

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

गालातीयापा 1:10

धा ङा मीक्‍याने ङोलेन चालीओ याङमेना को़न्‍क्षोकने चालीओ? याङ ङा मीक्‍याला घारु च्‍युक्‍येगी थापस्‍यी झ्‍यीदे? ङी धान्‍दा थुक्‍पे, मीक्‍याला घारु च्‍युक्‍ये थापस्‍यी झ्‍येहो़ना, ङा मास्‍यीकागी श्‍याप्‍ची हुङये मेक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,