लुका 19:12 - ॱलोवा

¹² होझ्‍येरी खोङबागी सुवालाक, “कुटाक्‍पा च्‍यीक ग्‍यावुगी आङजा थोप्‍ये धाङ लोक्‍ती हुङयेला, यु थाक्‍रीङा च्‍यीकदु सोवालाक।

लुका 19:12 Iomraidhean Croise

मेथा 21:38

हीना होदे बोक्‍माला लेन्‍गीनक्‍याई भीजागोला थोरी देरे ॱनेवालाक, ‘दे नी ग्‍युज्‍यीनगो लाक। स्‍योक, खोला सेदी खी़ थोप्‍ताङगो होराङ ठोउ।’

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

मारकु 12:1

येशुगी खुङक्‍याला पेगी थोक्‍ने सुवालाक, “मी च्‍यीकगी दुम्‍रा नाङदु घुन्‍डुम ताप्‍ती, होदेगी थाकोरला चीक्‍पा चीक्‍पालाक। धेनी घुन्‍डुम चीरयेला, सादोङ ढी़वालाक। धेनी चोक्‍खार च्‍यीक शो़री श्‍यीङबाक्‍याला, होदे दुम्‍रागो बोक्‍माला तेरपालाक धेनी खो यु श्‍येम्‍मा च्‍यीकला सोवालाक।

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

लुका 20:9

होदे स्‍याम्‍ने येशुगी मीक्‍याला पे दे सुवालाक, “मी च्‍यीकगी घुन्‍डुमगी दुम्‍रा च्‍यीक ताप्‍पालाक। धेनी होदे दुम्‍रागो श्‍यीङबाक्‍याला बोक्‍माला तेरती, खोराङ धी़चो़ रीङागी क्षीला यु श्‍येम्‍मा च्‍यीकदु सोवालाक।

लुका 24:51

खोङबागी खुङक्‍याला झ्‍यीलाप ॱनाङी घाङला, खोङबा खुङक्‍याने खा डारी नाम्‍खा स्‍योकला ठीया जेपालाक।

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

१ कोरीन्‍थुपा 15:25

घीझ्‍येरी ॱनाना खोङगी राङगी डा घीरीला राङगी श्‍याप होकदु श्‍याक माजे थुक्‍पे, खोङगी वाङग्‍युर जे घोगीलाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।