लुका 18:9 - ॱलोवा

⁹ राङ-राङला ढाङा साम्‍गीन धेनी श्‍येम्‍माक्‍याला थोङछुङ झ्‍यीगीन मी रीङगाक्‍याला, येशुगी पे दे सुवालाक,

लुका 18:9 Iomraidhean Croise

लुका 10:29

हीना खो राङला ढाङपो हो़क ॱनेरी खुङ क्‍यायेला येशुला श्‍यी़वालाक, “धा ङी खीम्‍चेगो सुले?”

लुका 15:2

धेनी फारुसीपाक्‍या धाङ क्षो़ठीमगी ॱलोपो़नक्‍या फाक्‍तुङ दुरी ॱनेवालाक, “दे मी दे धीक्‍चेनक्‍याला सी़री खुङक्‍यामुला शामा शी।”

लुका 16:15

खोङबागी होदेक्‍याला सुवालाक, “मीक्‍याई दोङदु राङला ढाङपो तो़न्‍गीनगो, खेराङक्‍याराङ लाक हीना को़न्‍क्षोकगी खीकी सेम खेन्‍दालाक। मीक्‍याई दोङदु थोवा चीगीनगो, को़न्‍क्षोकगी शीक्‍ताङला आम्‍लोवा हुङालाक।”

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

लुका 19:7

दे थोरी मीक्‍या घीरीगी फाक्‍तुङ दुरी ॱनेवालाक, “खोङबा मी धीक्‍चेन च्‍यीकगी नाङदु डो़नला फेई।”

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

योहान्‍ना 8:48

याहुदापा पो़न्‍पोक्‍याई येशुला ॱनेवालाक, “ख्‍यो़ सामारीपा लाक धेनी ख्‍यी़ नाङदु डे जुदुक ॱनेरी, हीकी ॱनागीनगो धेन्‍पा माले?”

योहान्‍ना 9:28

धेनी फारुसीपाक्‍याई खोला थोङछुङ तारी ॱनेवालाक, “ख्‍यो़ खी़ ङेने लाक हीना हेक्‍या मोशेगी ङेने हीन।

योहान्‍ना 9:34

खुङक्‍याई खोला ॱनेवालाक, “ख्‍यो़ केली घाङलाराङ धीक्‍चेन झ्‍येरीया, ख्‍यो़ हेक्‍याला ॱलापच्‍या ग्‍याले?” धेनी खुङक्‍याई खोला छोक्‍खाङने तो़न्‍दी झावालाक।

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

रोमापा 10:3

खुङक्‍याई को़न्‍क्षोकने झ्‍युङगीन ढाङतेनगो ॱमास्‍येवा, खोराङक्‍या राङगी थापस्‍यीने को़न्‍क्षोकमुला ढाङपो झ्‍युङयेला चावालाक। धेनी खुङक्‍याई राङला को़न्‍क्षोकगी ढाङतेनगी होकला ॱमापुवालाक।

रोमापा 14:10

धा ॱहाना ख्‍यो़ ख्‍यो़री पी़नला क्‍यो़न घीझ्‍येरी चुक्‍वाले? याङना ख्‍यो़ राङगी पी़नला थोङछुङ चीलाले? घीझ्‍येरी ॱनाना होराङ घीरी को़न्‍क्षोकगी ठीम्‍चो़गी श्‍युक्‍ठीगी दोङदु लाङगीलाक।

रोमापा 14:3

ॱना हो़ले शागीनगी मेशागीनगोला थोङछुङ माझ्‍यीदास्‍योक धेनी मेशागीनगी़ शागीनगोला क्‍यो़न ॱमाचुक्‍वास्‍योक। घीझ्‍येरी ॱनाना को़न्‍क्षोकगी खोलाः खेलेन जे हो़तालाक।

रोमापा 7:9

एम्‍मा थेङ च्‍यीक ङा क्षो़ठीमने डारी, सो़न्‍पो धे हो़तालाक हीना कागो ॱलेप्‍ती धीक्‍पागो सो़न्‍पो झ्‍युजुङ।