लुका 18:43 - ॱलोवा

⁴³ धेनी लाम्‍साङ खो थोङगीन झ्‍युवालाक। धेनी को़न्‍क्षोकगी तो़टा ताङी, खो खोङबागी स्‍याम्‍ला डावालाक। दे थोरी मी घीरीगी को़न्‍क्षोकला तो़पा पुवालाक।

लुका 18:43 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 21:14

श्‍यारा धाङ श्‍याक्‍योकक्‍या क्षो़खाङदु खोङबागी दोङदु होवालाक धेनी खोङबागी खुङक्‍याला ढाक्‍सो़ ॱनावालाक।

मेथा 9:8

धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

लुका 13:17

खोङबागी दे सुरी, खोङबागी डाक्‍या घीरीला ङोछारु च्‍युक्‍पालाक हीना मीमाङक्‍या, खोङबागी जेजा ॱहाङसागीन क्षाक्‍लेक्‍याला ङ्यामो घेबालाक।

लुका 19:37

धेनी येशु येरुसालेमगी भोलोक्‍तु हो़गीन, क्‍युरुस्‍यीङगी रीगी थुरला फेया जेपालाक। होदे घाङला खुङक्‍याई थोथा ॱहाङसागीन क्षाक्‍लेक्‍याई क्षीला, ङ्यामो घेरी को़न्‍क्षोकला केक क्षेला तो़पा पुरी ॱनेवालाक,

लुका 4:39

धेनी खोङबा मी़ दोङदु श्‍याङा जेदी, छावा नाजागोला काको़न जेपालाक धेनी छावा येवालाक। धेनी लाम्‍साङ मो लारी, खोङबाक्‍याला श्‍याप्‍ची श्‍यी़ये गो चुक्‍पालाक।

लुका 5:26

धेनी खुङक्‍या घीरी ॱमीच्‍यीकी ॱहालेरी जीक्‍टागी खावालाक। धेनी को़न्‍क्षोकला तो़टा पुरी ॱनेवालाक, “धीरीङ हीकी ॱमीच्‍यीकी ॱहाङसागीन लेगा थोजुङ।”

लुका 9:43

धा को़न्‍क्षोकगी देरे शीजे थोरी, मीक्‍या घीरी ॱहाङसावालाक। हीना खोङबागी जेगीनगोला मी घीरी ॱहाङसाङी घाङला, येशुगी राङगी ङेनेक्‍याला सुवालाक,

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 4:21

होदुरु झ्‍युजा लाबगी कोरला, मी घीरीगी को़न्‍क्षोकला तो़टा पुरी धे हो़तालाक। होझ्‍येरी छोक्‍पागी मीक्‍याई खुङ ॱङीउला घाङगी झ्‍येरी क्षेपा काये ॱनेरी, ढो़ झ्‍यी ॱमाथुक्‍पालाक। धेनी खुङ ॱङीउला ॱयोल्‍ले माङा जीक्‍टा ॱलारी भोरपालाक।

गालातीयापा 1:24

धेनी ङी झ्‍येरी, खुङक्‍याई को़न्‍क्षोकला तो़पा पुवालाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।