लुका 18:23 - ॱलोवा

²³ हीना दे लाब ङेन्‍दी खी़ सेम क्‍योवालाक घीझ्‍येरी ॱनाना खो ॱमीच्‍यीकी क्षुक्‍पु हो़तालाक।

लुका 18:23 Iomraidhean Croise

मेथा 19:22

होदे मी ख्‍योक्‍तोङगी़ दे घोरी घाङला, खो सेम्‍बा क्‍योरी सोवालाक घीझ्‍येरी ॱनाना खोला ग्‍युनोर ॱमीच्‍यीकी माङा हो़तालाक।

मारकु 10:22

दे घोरती, खी़ ङोदोङ नाक्‍पोला ग्‍युरती, सेम क्‍यो़री सोवालाक घीझ्‍येरी ॱनाना खोला ग्‍युनोर ॱमीच्‍यीकी माङा हो़तालाक।

लुका 12:15

खोङबागी होदेक्‍याला सुवालाक, “शाप-शाप झ्‍यी, ॱहाबा झ्‍यीगीन लेगाक्‍याने च्‍याङजे झ्‍येरी धो़क, घीझ्‍येरी ॱनाना मीगी मीछे खोरी ग्‍यु माङा हो़गीनला च्‍यीगा रा मीली़लालक।”

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

लुका 18:24

धेनी येशुगी खोला शीक्‍ती सुवालाक, “मी क्षुक्‍पुक्‍याला को़न्‍क्षोकगी ग्‍यासी नाङदु जुयेला ॱमीच्‍यीकी काल्‍ले दुक।

लुका 19:8

हीना जाखाया लारी चोवोला श्‍यी़वालाक, “चोवो शीक्‍रोनाङ, ङा ङारी ग्‍युनोरने फेक उटेक्‍याला झ्‍यीम्‍बा ताङयेहीन धेनी मीक्‍याने गो कोरती ग्‍यु ॱली़ हो़ना, ङा होदेगी दाप श्‍यी ॱलोक्‍येहीन।”

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

लुका 8:14

छेम्‍मागी साङला थोरकीनगोक्‍या, काला ङेन्‍येगो ङेन्‍दी हीना मीछेगी दुङा धाङ ग्‍युनोर धाङ दो़पा ॱनाछोकगी खुङक्‍याला ॱनेमालाक धेनी देक्‍याई ढेबु के ॱमीथुक्‍वालाक।

एफीसुपा 5:5

घीझ्‍येरी ॱनाना दो़लोक झ्‍यीगीन धाङ ले ॱमेचाङा झ्‍यीगीन धाङ ॱनाब्‍सेम्‍चेनगी मी सी़ हीन्‍ना (कुन्‍डा क्षो़गीनक्‍या), मास्‍यीका धाङ को़न्‍क्षोकगी ग्‍यासीगी कादा ॱमेथोप्‍कीलाक ॱनेरी, खेक्‍याई सावो स्‍येलाझ्‍यी।

फीलीप्‍पीपा 3:8

देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

१ योहान्‍ना 2:15

जीक्‍तेनला याङना जीक्‍तेन नाङ हो़गीन घीयाला ॱमाक्षाक। जीक्‍तेन देला क्षाक्‍ना, खी़ नाङ याप को़न्‍क्षोकला चेवा मेयोङालाक।