लुका 18:12 - ॱलोवा

¹² ङा धी़न्‍डाला थेङमा ॱङी ॱङ्युङने ॱरुङीहो़क धेनी ङाला हो़गीन घीरीगी ग्‍याजा च्‍यु खेराङला पुलीहो़क।’

लुका 18:12 Iomraidhean Croise

मेथा 5:20

घीझ्‍येरी ॱनाना ङा खेक्‍याला ॱनाहीन, खेक्‍याई ढाङतेन क्षो़ठीमगी ॱलोपो़नक्‍या धाङ फारुसीपाक्‍याने ल्‍हाक मेना, खेक्‍या नाम्‍खे ग्‍यासीदु नामाः ॱमीछी़गीलाक।

मेथा 6:1

“मी श्‍येम्‍मागी थोङयेगी क्षीला, खुङक्‍याई दोङदु ढाङतेनगी लेगा मीझ्‍यीयेला शाप-शाप झ्‍यी। देरे झ्‍यीना नाम्‍खे श्‍यीङखामदु श्‍युक्‍कीन, ख्‍यी़ यापने ख्‍यो़ला ज्‍यागा ॱमेथोप्‍कीलाक।

मेथा 6:16

“शोक झ्‍यीगीनक्‍याई मी श्‍येम्‍माला ॱङ्युङनेला श्‍युकहो़क, ॱनेरी तो़न्‍येगी क्षीला, खोराङक्‍याई ॱनामग्‍यु ग्‍युरकीन च्‍योक्‍रे, खेक्‍या ॱङ्युङने ॱरुङी घाङला खुङक्‍या च्‍योक्‍रे, ङो नाक्‍पो ॱमातो़न। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 6:5

“धेनी खेक्‍या सोवा धेबी घाङला, शोक झ्‍यीगीन मीक्‍या च्‍योक्‍रे माझ्‍यी। घीझ्‍येरी ॱनाना मीक्‍याई थोङयेगी क्षीला, खुङक्‍या छोक्‍खाङ धाङ ॱराङगाकगी शुरक्‍याला लारी, ॱमो़लाम ग्‍याप्‍येला घालालाक। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 9:14

धा ठी़सो़खेन योहान्‍नागी ङेनेक्‍या, खोङबाचारु होरी खोङबाला श्‍यी़वालाक, “हेक्‍या धाङ फारुसीपाक्‍या ॱङ्युङने ॱरुङालाक हीना खेराङगी ङेनेक्‍या घीझ्‍येरी ॱमीरुङाले?”

लुका 11:42

“ख्‍ये फारुसीपाक्‍या ॱङ्याली! घीझ्‍येरी ॱनाना खेक्‍या दुम्‍रा नाङगी ॱमेन्‍चा धाङ ॱङोच्‍छे ॱनाछोकगी ग्‍याजा च्‍युगो को़न्‍क्षोकला पुलालाक हीना को़न्‍क्षोकगी झाम्‍पा धाङ ठीम्‍चो़ला या मीझ्‍यीदालाक। खेक्‍याई लेगा एम्‍मा दे, यामे ॱमेताङा स्‍याम्‍मा देक्‍या खीकी झ्‍यी घोयेहो़क।

लुका 17:10

देरे झ्‍येरीराङ खेक्‍याला का ॱनाङना लेगा घीरी झ्‍येसारी, खेक्‍यागीया देरे ॱनो़, ‘हेक्‍या फेन ॱमेथोक्‍कीन ॱयोक्‍पोक्‍या हीन। हेक्‍याई हीकी झ्‍यीघोगीन लेगेनगो च्‍यीगा झ्‍येवालाक।’”

रोमापा 3:27

धा ॱहाना होराङ घीन्‍गी कोरला, ङोम्‍सो झ्‍यीगुलाक से? ङोम्‍सो झ्‍यीये घीयाः मेतालाक। क्षो़ठीम घारेगी झ्‍येरी लाक से? लेगा झ्‍यीघोये क्षो़ठीमगी झ्‍येरी ले? मालाक हीना, होरी धेपागी झ्‍येरी लाक।

१ कोरीन्‍थुपा 1:29

दे नी, को़न्‍क्षोकगी डुङदु सी़याः ङोम्‍सो मीझ्‍यीयेगी क्षीदु लाक।

गालातीयापा 1:14

हीकी मीक्‍या खोक्‍दु ङी लो डाडागी मीक्‍याने ल्‍हाक, याहुदापा क्षो़लुकला ङा एन्‍ला थारजुङ धेनी ङी फामे लुक्‍सो़क्‍याला ङा ॱमीच्‍यीकी स्‍युक्‍क्षे चीलीहो़क।

एफीसुपा 2:9

सी़या ङोम्‍सो मीझ्‍यीयेगी क्षीला, थारपा दे लेने झ्‍युवामालाक।

१ तीमोथेउ 4:8

घीझ्‍येरी ॱनाना ली़गी ली़चेल ज्‍योङदारगी तीते च्‍यीगा फेन थोवालाक हीना क्षो़सेम दे घीरीगी थोकला फेन थोवालाक। घीझ्‍येरी ॱनाना देगी धान्‍दागी छे धाङ छीमागी छे ॱङीगाराला, फेन्‍दोकगी धाम्‍चा ॱनाङालाक।