लुका 18:1 - ॱलोवा

¹ धेनी च्‍योई सोवा धेप्‍ये धाङ सेमस्‍युक मेक्षाक्‍येगी क्षीला, येशुगी ङेनेक्‍याला पे च्‍यीक सुवालाक।

लुका 18:1 Iomraidhean Croise

लुका 11:10

घीझ्‍येरी ॱनाना श्‍युगीन घीरीला ॱनाङगीलाक, चागीन घीरीला ॱङेगीलाक धेनी घो दुङगीन घीरीगी क्षीला पेगीलाक।

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

रोमापा 12:12

धेनी रेवाला तेन्‍दी घाटो झ्‍यी धेनी दुक्‍पु ङ्याङी घाङला, शो़पा झ्‍यी धेनी च्‍योई ॱमो़लाम श्‍यी़।

२ कोरीन्‍थुपा 4:1

होझ्‍येरी को़न्‍क्षोकगी ॱङीङजेगी गोने, हेक्‍याला दे श्‍याप्‍ची दे थोप्‍ती हेक्‍या सेमस्‍युक ॱमेक्षाक।

गालातीयापा 6:9

धेनी शाङा झ्‍यीयेला होराङक्‍या थाङ क्षेये मेतालाक घीझ्‍येरी ॱनाना हुरे झ्‍यीना होराङला ढेबु धी़चो़ ताक-ताकला राक्‍कीलाक।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

कोलोसेपा 4:2

काटीन्‍क्षे श्‍युरी धेनी च्‍याङजे झ्‍युरी, ॱमो़लाम ॱमेक्षेदा ग्‍योप।

१ थेसालोनीकेपा 5:17

ॱमो़लाम ॱमेक्षेता ग्‍योप,