लुका 17:21 - ॱलोवा

²¹ याङ मी सी़या ‘को़न्‍क्षोकगी ग्‍यासी दुरु दुक।’ याङना ‘हुरु दुक।’ ॱनेरी ॱना थुक्‍कीमालाक। घीझ्‍येरी ॱनाना को़न्‍क्षोकगी ग्‍यासी नी, खेक्‍याई खोक्‍दुराङ हो़तालाक।”

लुका 17:21 Iomraidhean Croise

मेथा 12:28

हीना ङी डेक्‍या तो़न्‍गीनगो को़न्‍क्षोकगी थुक्‍ङीने हीन्‍ना धेनी नाम्‍खे ग्‍यासी खीकी खोक्‍दु ॱलेप हो़तालाक।

मारकु 13:21

“धेनी मी रीङगागी खेक्‍याला, ‘तो़, दुरु मास्‍यीका दुक’ याङमेना ‘तो़, खोङबा हुरु दुक।’ ॱनेरी ॱनाना खेक्‍या धेपा माझ्‍यी।

लुका 17:23

मीक्‍याई खेक्‍याला, ‘तो़दाङ, खोङबा दुरु दुक।’ याङना ‘हुरु दुक।’ ॱनेरी ॱनागीलाक। खेक्‍या फीला माडो धेनी खुङक्‍याई स्‍याम्‍ला माडाङ।

लुका 21:8

धेनी खोङबागी सुवालाक, “च्‍याङजे झ्‍यी, खेक्‍याला सी़या ॱमाली़वास्‍योक। घीझ्‍येरी ॱनाना मी माङागी ङी मीङ खेरती ‘ङा खोराङ हीन।’ ॱनेरी हुङगीलाक धेनी ‘धी़चो़ ङ्येरु ॱलेप्‍सादुक’ ॱनेरी ॱनागीलाक। खेक्‍या खुङक्‍याई स्‍याबाला माडाङ।

योहान्‍ना 1:26

योहान्‍नागी लेन ग्‍याप्‍पालाक, “ङा क्षुगी ठी़सो़ तेराहीन, हीना खीकी खोक्‍दु खेक्‍याई ङो ॱमेस्‍येगीन के-भु च्‍यीक श्‍युक हो़तालाक,

योहान्‍ना 18:36

येशुगी लेन जेपालाक, “ङी ग्‍यासी दे जीक्‍तेनगी मेन। ङी ग्‍यासी जीक्‍तेनगी हीन्‍ना, ङा याहुदापाक्‍याई लाकदु ॱमीछी़येला, ङी ॱयोक्‍पोक्‍याई टाप्‍यी हो़टु। हीना ङी ग्‍यासी दे जीक्‍तेनगी मालाक।”

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।