लुका 17:2 - ॱलोवा

² दे टुवा च्‍यीमेक्‍या च्‍योक्‍रेने च्‍यीकला धीक्‍पा झ्‍यीदु च्‍युक्‍कीन, मीगी़ मीक्‍पाला थाकगी धोगोङ क्षे च्‍यीक ताक्‍ती, ग्‍याछो नाङदु ॱयुक्‍ना घागुलाक।

लुका 17:2 Iomraidhean Croise

मेथा 17:27

घीहीन्‍ना, खुङक्‍याला फोक्‍तु ॱमीच्‍युक्‍येला, ख्‍यो़ छोला सोरी च्‍याकग्‍यु च्‍यीक क्षु नाङला ॱयुक। धेनी एन्‍ला थो़न्‍गीन ङ्यागो लेन। होदेगी खा पेरी, ॱङुगी टाङगा च्‍यीक ॱङेगीलाक। होदे खेरती, होराङ ॱङीउगी ठागी क्षीला खुङक्‍याला ज्‍योङ।”

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 18:14

होदे च्‍योक्‍रे, टु च्‍युङा देक्‍याने च्‍यीया मेताला ताङये, दे नाम्‍खे श्‍यीङखामदु श्‍युक्‍कीन ङी यापगी थुकोङ मालाक।

मेथा 26:24

मी-भुला खी़ कोरला ढीक हो़गीन दे च्‍योक्‍रे, झ्‍युङघोगुलाक हीना मी-भुला डागी लाकला ची ग्‍याप्‍कीनगो ॱङ्याली। मी दे जीक्‍तेनदु केवाले ॱमाके हो़ना, घा हुङयेहो़क।”

मारकु 9:42

येशुगी याङ सुवालाक, “मी सु च्‍यीया ङाला धेपा झ्‍यीगीन टुवाक्‍याने च्‍यीकला, धीक्‍पा झ्‍यीदु च्‍युक्‍ना मी दी मीक्‍पाला छोराकगी धोगोङ क्षे च्‍यीक ताक्‍ती, खोला ग्‍याछो नाङदु ॱयुक्‍ना घा हुङगुलाक।

योहान्‍ना 21:15

धेनी खुङक्‍याई श्‍योक्‍से शेसारती, येशुगी सीमोन पेटोला सुवालाक, “योहान्‍नागी भीजा सीमोन, ख्‍यी़ ङाला देक्‍याने ल्‍हाक चेवा झ्‍यीदी हो़ती?” खी़ खोङबाला श्‍यी़वालाक, “चोवो ला, ङी खेराङला चेवा झ्‍यीगीनगो खेराङ खेन्‍दालाक।” खोङबागी खोला सुवालाक, “ङी लुक्‍टुक्‍याला छो़।”

१ कोरीन्‍थुपा 9:15

हीना दे आङजाक्‍याने ङी च्‍यीयाः भेचो़ माझ्‍येहो़क। धेनी खेक्‍याई ङाला देरे झ्‍यीदास्‍योक ॱनेरी, ङी दो़न देक्‍या ढीयामेन। घीझ्‍येरी ॱनाना ङी ङोम्‍सो झ्‍यीयेगी दो़न दे ङाने ठोक्‍तु च्‍युक्‍वा ले, ङा स्‍यीना घागुलाक।

१ कोरीन्‍थुपा 9:22

धेपाला क्‍योवा हो़गीनक्‍याई सेम क्‍योप्‍येगी क्षीदु ङा धेपाला क्‍योवा हो़गीनक्‍यामुला, धेपाला क्‍योवा च्‍योक्‍रे झ्‍युवी। थापस्‍यी घीरीगी थोक्‍ने, मी रीङगागी सेम क्‍योप्‍येगी क्षीदु ङा मी घीरी क्षीदु दे घीरी झ्‍युवी।