लुका 16:9 - ॱलोवा

⁹ ङा खेक्‍याला ॱनाहीन ख्‍यो़री क्षीला जीक्‍तेनगी ग्‍युनोर भो़चे झ्‍येरी रोवाक्‍या शो़ धेनी होदे ग्‍युक्‍या जोक्‍साना, खुङक्‍याई ख्‍यो़ला थामेगीन ॱनेसाला सुगीलाक।

लुका 16:9 Iomraidhean Croise

मेथा 19:21

येशुगी खोङला सुवालाक, “ख्‍यो़ फी़न्‍सुम छोक्‍पा झ्‍युङङी दो़ना, सोरी ख्‍यो़ला हो़गीन घीरी चोरी उटेक्‍याला तेर धेनी ख्‍यो़ला नाम्‍खे श्‍यीङखामदु ज्‍यागा थोप्‍कीलाक। धेनी होरी ङी स्‍याबाला डोङ।”

मेथा 6:19

“जीक्‍तेनदु राङगी क्षीला ग्‍युनोर ॱमासाक, घीझ्‍येरी ॱनाना दुरु मुक्‍पा धाङ चागी मेताला ताङगीलाक, धेनी कुमु जुरी कुगीलाक।

मेथा 6:24

“मी च्‍यीक दाक्‍पो ॱङीगी ॱयोक ग्‍युक ॱमीथुवालाक घीझ्‍येरी ॱनाना ख्‍यी़ च्‍यीकला दाङा झ्‍यीना, श्‍येम्‍मागोला चेवा झ्‍यीगीलाक। याङ च्‍यीकला ॱलो काना, श्‍येम्‍मागोला थोङछुङ झ्‍यीगीलाक। ख्‍यो़ को़न्‍क्षोक धाङ ॱङु ॱङीगारागी ॱयोक ग्‍युक ॱमीथुक्‍वालाक।

लुका 11:41

हीना नाङला हो़गीनगो उटेक्‍याला ज्‍यीम्‍बा तोङ धेनी ख्‍यी़ क्षीला घीरी चाङमा झ्‍युङगीलाक।”

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 14:14

धेनी ख्‍यो़ला झ्‍यीलाप थोप्‍कीलाक घीझ्‍येरी ॱनाना खुङक्‍याई ख्‍यी़ छापगो ॱलोक ॱमीथुक्‍कीलाक। हीना ढाङतेनक्‍या कुसो़न्‍पो जेयेगी धी़ला, ख्‍यो़ला होदेगी ढेबुगो थोप्‍कीलाक।”

लुका 16:11

होझ्‍येरी खेक्‍या जीक्‍तेनगी ग्‍युला मेढाङा हो़ना, खेक्‍याला ग्‍युनोर ॱङोन्‍नेगी आङजा सी़ तेरकीलाक से?

लुका 16:13

“ॱयोक्‍पो च्‍यीकगी दाक्‍पो ॱङीला श्‍याप्‍तोक पु ॱमीथुक्‍वालाक घीझ्‍येरी ॱनाना खी़ याङना च्‍यीकला ॱमेथेदा झ्‍येरी श्‍येम्‍मागोला चेवा झ्‍यीगीलाक। याङना च्‍यीकला चीरी श्‍येम्‍मागोला यामे ताङगीलाक। खेक्‍या को़न्‍क्षोक धाङ ग्‍युनोर ॱङीगारागी श्‍याप्‍तोक पु ॱमीथुक्‍कीलाक।”

लुका 16:4

धा ङाला दे लेगाने पी़दी झाङना, मीक्‍याई ङाला खोरी नाङदु सुयेला, ङी घी झ्‍यीघोगुले ॱनेरी, ङी साम्‍लो तासाहो़क।’

जेपा 10:31

धेनी सुजुङ, ‘कोरनेलीहु, को़न्‍क्षोकगी ख्‍यी़ ॱमो़लामक्‍या सेन्‍दुक धेनी ख्‍यी़ ज्‍यीम्‍बाक्‍या श्‍यीप्‍ता जेदुक।

जेपा 10:4

धेनी खो छु थोरती खोला तेरी ढीवालाक, “चोवो, घी सुङवा हीनो?” धेनी भाङछेनगी खोला सुवालाक, “ख्‍यी़ ॱमो़लाम धाङ ज्‍यीम्‍बा ताताक्‍या को़न्‍क्षोकगी डुङला ॱलेप्‍दुक।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

युदा 1:21

राङला को़न्‍क्षोकगी झाम्‍पाला ॱनेती श्‍योक धेनी थामेपे छेसोकला ठीक्‍कीन, होरी चोवो येशु मास्‍यीकागी ॱङीङजेला घुक्‍ती धो़क।