लुका 16:8 - ॱलोवा

⁸ धा दाक्‍पोगी़ होदे ॱङेरपा मेढाङाला राङगी क्षीला, देरे चाङग्‍यु झ्‍यीगीनगोला तो़टा तावालाक। घीझ्‍येरी ॱनाना दे जीक्‍तेनगी मीक्‍या राङगी च्‍योक्‍रेक्‍यामुला चाङग्‍यु झ्‍यीयेला, हो़गी टुक्‍याने खेवा हो़तालाक।

लुका 16:8 Iomraidhean Croise

मेथा 12:32

धेनी मी-भुगी कोरला ङेन्‍पा ॱनागीन धीक्‍पा दे सेल्‍गीलाक हीना धाम्‍पे थुक्‍ङीगी कोरला ङेन्‍पा ॱनागीन धीक्‍पा दे, धान्‍दा धाङ माउपारगी धी़ थुक्‍पे ॱमेसेल्‍गीलाक।

मेथा 17:26

धेनी पेटोगी “श्‍येम्‍माक्‍याने दुवालाक।” ॱनेरी श्‍यी़ घाङला येशुगी खोला सुवालाक, “हुरे हीन्‍ना भीजाक्‍याई ज्‍याङ मेघोवालाक।

लुका 16:10

“दो़न ङ्युङाला ढाङा हो़गीनगो नी, माङालाः ढाङा हुङालाक। धेनी दो़न ङ्युङाला मेढाङा हो़गीनगो माङालाः मेढाङा हुङालाक।

लुका 16:4

धा ङाला दे लेगाने पी़दी झाङना, मीक्‍याई ङाला खोरी नाङदु सुयेला, ङी घी झ्‍यीघोगुले ॱनेरी, ङी साम्‍लो तासाहो़क।’

लुका 16:7

धेनी श्‍येम्‍मागोला ॱनेवालाक, ‘ख्‍यी़ भुलीङ घाजो़ हेतो?’ खी़ ॱनेवालाक, ‘ढो बोङरे ग्‍या हो़क।’ ॱङेरपागी ॱनेवालाक, ‘ख्‍यी़ ची श्‍याक्‍कीन धेप लेन धेनी बोङरे ग्‍याच्‍यु ढीक।’

लुका 18:6

धेनी येशुगी सुवालाक, “ठीम्‍पो़न मेढाङा दी ॱनागीन दे ङेन।

लुका 20:34

येशुगी देक्‍याला सुवालाक, “दे जीक्‍तेनगी मीक्‍या ॱनामा लेन्‍ये धाङ ॱनामाला तेर झ्‍यीदालाक।

लुका 20:35

हीना माउपारगी धी़ला डोये धाङ छीवाने सो़न्‍ये हीन्‍गीन चीचा मीक्‍या, ॱनामा लेन्‍ये धाङ ॱनामाला ताङ मीझ्‍यीदालाक।

योहान्‍ना 12:36

हो़ हो़ती घाङलाराङ, खेक्‍या हो़गी से धाङ सेमो झ्‍युङयेला हो़गोला धेपा झ्‍यी।” येशुगी दे सुङसारती खोङबा होदेने फेप्‍ती, खुङक्‍याने हीप्‍ती श्‍युक्‍पालाक।

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

एफीसुपा 5:8

घीझ्‍येरी ॱनाना काब च्‍यीकला खेक्‍या मी़नाक नाङ हो़तालाक हीना धान्‍दा, चोवोगी नाङ खेक्‍या हो़ नाङदु हो़तालाक। हो़गी टुवाक्‍या च्‍योक्‍रे मीछे क्‍यो़।

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

१ थेसालोनीकेपा 5:5

घीझ्‍येरी ॱनाना खे घीरी हो़ धाङ ङीमागी से लाक। होराङक्‍या छेमु धाङ मी़नाकगी मालाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।