लुका 16:3 - ॱलोवा

³ धेनी ॱङेरपागी़ साम्‍लो तावालाक, ‘धा, ङा घी झ्‍यीये घीझ्‍येरी ॱनाना ङी दाक्‍पोगी ङाला दे लेगाने पी़दी झाङये झ्‍यीदीक। सा ॱलोक्‍येला ङाला आङबु मेक धेनी ॱलोङमो ॱलाङयेला ङा ङोछी।

लुका 16:3 Iomraidhean Croise

मेथा 20:8

“धा घोमो झ्‍युङी घाङला, घुन्‍डुमगी दुम्‍रागी दाक्‍पोगी़ खोरी ॱङेरपाला भो़री ॱनेवालाक, ‘मीलाकक्‍याला भो़री, खुङक्‍याला स्‍याम्‍योकने गो चुक्‍ती, धाङपो थुक्‍पे ॱलाज्‍या तेर।’

मारकु 10:46

होदेने खोङबाक्‍या यारीकोदु फेप्‍पालाक। राङगी ङेनेक्‍या धाङ मीछोक क्षेमुला, येशु यारीकोने थो़न्‍दी घाङला, तीमेउसगी भीजा बारतीमा ॱनागीन ॱलोङगीन श्‍यारा च्‍यीक लाम्‍गारु धे हो़तालाक।

लुका 12:17

होदे मीगी साम्‍लो तावालाक, ‘धा ङा घी झ्‍यीये हीन्‍ढी़? ङी लोदोकक्‍या श्‍याक्‍सा घारुवा मीदुक।’

लुका 16:2

धेनी खी़ ॱङेरपागोला भो़री ॱनेवालाक, ‘ख्‍यी़ कोरला ङी घोरकीन दे घी ले? ख्‍यी़ लेगा झ्‍येजागी चीगो ङाला तेर घीझ्‍येरी ॱनाना धीरीङने ॱहाला, ख्‍यो़ ङी ॱङेरपा झ्‍युङगुमालाक।’

लुका 16:20

धेनी ॱमागी तुम्‍दा लाजार ॱनागीन मी उटे च्‍यीक खी़ घोच्‍चारु श्‍यालाक।

लुका 16:22

“धेनी उटे मीगो स्‍यीवालाक धेनी नाम्‍खे भाङछेनक्‍याई, खोला खेरती आब्‍राहामगी भोलोक्‍तु श्‍याक्‍पालाक। धेनी होदे क्षुक्‍पु मीगोवा स्‍यीरी रोगो सा होकला बेवालाक।

लुका 16:4

धा ङाला दे लेगाने पी़दी झाङना, मीक्‍याई ङाला खोरी नाङदु सुयेला, ङी घी झ्‍यीघोगुले ॱनेरी, ङी साम्‍लो तासाहो़क।’

लुका 18:4

थेङ घाजीङ खी़ होदे युक्‍जामागी लाब माङेन्‍बालाक। हीना स्‍याम्‍ला खी़ खोरी सेमला ॱनेवालाक, ‘ङा को़न्‍क्षोकला जीक्‍नाङ मीझ्‍यीहो़क धेनी मीला चीदोङ मीझ्‍यीहो़क।

योहान्‍ना 9:8

धा खीम्‍चेक्‍या धाङ खोला एम्‍माने ॱलोङगीन झ्‍येरी थोङ ङ्युङगीनक्‍याई ॱनेवालाक, “दे ॱलोङमो ॱलाङदी धेगीन मीगो माले?”

जेपा 3:2

क्षो़खाङगी घो जेवा ॱनागीनगोरु, केने ॱहालाराङ श्‍याक्‍योवा हो़गीन मी च्‍यीक धेदालाक। मीक्‍याई खोला ङीमा च्‍योई खुरती होदुरु खेरती हुङालाक। खो क्षो़खाङदु हुङगीन डुगीन मीक्‍यामुला ॱलोङमो ॱलाङालाक।

जेपा 9:6

हीना ख्‍यो़ लोङ धेनी ग्‍याजारु सोङ। होदुरु ख्‍यी़ झ्‍यीघोगीनगो, ख्‍यो़ला ॱनागुलाक।”

२ थेसालोनीकेपा 3:11

घीझ्‍येरी ॱनाना खेक्‍याने रीङगा लेगा मीझ्‍यीदा, श्‍येम्‍मागी लेगाला थेरु ग्‍युक्‍कीन लेमेलाम्‍गीन रे दुक ॱनेरी, हीकी घोजुङ।