लुका 16:28 - ॱलोवा

²⁸ घीझ्‍येरी ॱनाना ङाला पी़न ॱङा हो़क धेनी खुङक्‍याला दा ताङदु ताङा जे। मेन्‍ना खुङक्‍याः दे दुक्‍पु राक्‍कीन ॱङ्यावाला ॱलेप्‍टु।’

लुका 16:28 Iomraidhean Croise

लुका 16:27

धेनी खी़ ॱनेवालाक, ‘याप, देरे हीन्‍ना ङा खेराङला श्‍योवा पुलाहीन। खेराङगी लाजारला ङी आकीगी खाङबाला झाङरो ॱनाङ।

जेपा 10:42

धेनी मीक्‍याला ॱलोप्‍तो़न तेरये धाङ खोङबाराङ को़न्‍क्षोकगी दाम्‍दा, सो़न्‍पो धाङ स्‍यीम्‍बुगी ठीम्‍पो़न लाक, ॱनागीन पाङपो तो़न ॱनेरी खोङबागी हेक्‍याला का ॱनाजुङ।

जेपा 18:5

सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

जेपा 2:40

पेटोगी खुङक्‍याला ॱमीच्‍यीकी माङा लाबक्‍या ॱनेरी पाङपो तेरपालाक। धेनी होदेक्‍याला च्‍याक ग्‍याप्‍ती ॱनेवालाक, “धीक्‍जाङगी मीरीक धुकच्‍यागी खाला हुङगीन क्षेपाने ख्‍यो़ ख्‍यो़राङला क्‍योप।”

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 20:23

ङाला चो़न्‍खाङदु धाक्‍कीन धाङ दुक्‍ङेल हो़गीन लाब, धाम्‍पे थुक्‍ङीगी ङाला ग्‍याजा रे-रेला तो़न जेसुङ।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 26:22

हीना धीरीङ दे ङीमा थुक्‍पे, ङाला को़न्‍क्षोकनेराङ रोक्‍राम जोरजुङ। होझ्‍येरी ङा दुरु हो़गीन क्षे-च्‍युङ घीरीला पाङपो तेरती लारी धेहो़क। ङी ॱङो़नस्‍येखेनक्‍या धाङ मोशेगी ॱङो़न स्‍येस्‍या माउपारगी लाब देक्‍या माना, श्‍येम्‍मा घीन्‍दा ॱलापच्‍या ॱमालाप हो़क।

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

जेपा 8:25

पेटो धाङ योहान्‍नागी येशुगी पाङपो झ्‍यीये धाङ चोवोगी का स्‍येसारती, येरुसालेमदु लोक्‍पालाक। धेनी लाम्‍गाला डी़ घाङला, सामारीयागी यु माङक्षेला ताम्‍शाङगो स्‍येदी-स्‍येदी सोवालाक।

गालातीयापा 5:3

पाउ चेगीन ॱरो चीगीन, घीरीगी क्षो़ठीमगी का घीरी ॱरुङ घो़गुलाक, ॱनेरी ङा याङदा पाङपो झ्‍यीदाहीन।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

१ थेसालोनीकेपा 2:11

खेक्‍याला स्‍येये हो़तालाक, आकी च्‍यीकगी राङगी टुवाक्‍याला च्‍याक ग्‍याप्‍कीन च्‍योक्‍रे, हीकी खेक्‍याला को़न्‍क्षोकला थुक्‍ङेउ हुङयेगी मीछे क्‍यायेला ॱलापच्‍या तेरती, सेमस्‍युक पारती खेक्‍याला च्‍याक ग्‍याप्‍पी। खोङबा को़न्‍क्षोकगीराङ खेक्‍याला राङगी ग्‍यासी धाङ शीजेला भो़ ॱनाङालाक।

१ थेसालोनीकेपा 4:6

दो़न देला मी सी़याः राङगी पी़नला दुक्‍पु तारी गोकोर ॱमेछोक्‍कीलाक घीझ्‍येरी ॱनाना हीकी खेक्‍याला एन्‍दुरु ॱनागीन च्‍योक्‍रे, चोवोगी देरे लेगा झ्‍यीगीनक्‍याला डास्‍या लेन जेगीलाक।