लुका 16:23 - ॱलोवा

²³ धेनी ॱङ्यावादु ॱलेप्‍ती ॱमीच्‍यीकी दुक्‍पु राक्‍ई घाङला, खी़ तो़ला तेवालाक धेनी थाक्‍रीङादु आब्‍राहाममुला लाजारला थोवालाक।

लुका 16:23 Iomraidhean Croise

मेथा 11:23

“धेनी खे काफारनाहुमगी मीक्‍या राङ-राङला नाम्‍खे श्‍यीङखामदु ताक्‍टु ॱनेरी, सामी हो़ती? खेक्‍या ॱङ्यावागी तीङला पाप्‍कीलाक। घीझ्‍येरी ॱनाना खेक्‍याई खोक्‍दु झ्‍येजा ॱहाङसागीन क्षाक्‍लेक्‍या सादोमदु झ्‍युङहो़ना, धीरीङ थुक्‍पे होदे ग्‍याजागो ॱनेहो़टु।

मेथा 18:9

धेनी ख्‍यी़ ॱमीकगी ख्‍यो़ला धीक्‍पा झ्‍यीदु च्‍युक्‍ना, होदेला तो़न्‍दी ॱयुक। घीझ्‍येरी ॱनाना ॱमीक ॱङीगारा खेरती ॱङ्यावागी मेला ॱयुक्‍वालाः, ॱमीक च्‍यीक च्‍यीगा खेरती थामेपे मीछे नाङदु जुना घागुलाक।

मेथा 23:33

“खे डुलक्‍या, दुक्‍डुगी ग्‍युपाक्‍या, खेक्‍या ॱङ्यावागी छेपाने घाङगी झ्‍येरी थारये?

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मेथा 5:29

ख्‍यी़ ॱमीक ॱयेगी ख्‍यो़ला धीक्‍पा झ्‍यीदु च्‍युक्‍ना, ॱमीक दे तो़न्‍दी ॱयुक। घीझ्‍येरी ॱनाना ली़ घाङजाङ खेरती ॱङ्यावादु ॱयुक्‍येले, ख्‍यी़ ली़गी दुबु च्‍यीक स्‍योरना घा लाक।

मेथा 8:29

धेनी होदे ॱङीउगी केक ग्‍याप्‍ती ॱनेवालाक, “को़न्‍क्षोकगी से, हीकीमुला खेराङगी घी ढेवा हो़ताले? धी़चो़ ॱमालेप एन्‍लाराङ, खेराङ हेला दुक्‍पु ताङदु फेया हीने?”

लुका 16:24

धेनी क्षुक्‍पु मीगी़ फेरा ग्‍याप्‍ती ॱनेवालाक, ‘याप आब्‍राहाम, ङाला ॱङीङजे जेदी लाजारला झाङरोनाङ धेनी खी़ खोरी जुगो क्षुला चुक्‍ती, ङी च्‍येमो सीसाई जेदु च्‍युक्‍रोनाङ। घीझ्‍येरी ॱनाना ङाला मेचे दी नाङला ॱमीच्‍यीकी दुक्‍पु क्षे दुक।’

लुका 16:28

घीझ्‍येरी ॱनाना ङाला पी़न ॱङा हो़क धेनी खुङक्‍याला दा ताङदु ताङा जे। मेन्‍ना खुङक्‍याः दे दुक्‍पु राक्‍कीन ॱङ्यावाला ॱलेप्‍टु।’

लुका 8:28

होदेगी येशुला थोरी फेरा ग्‍याप्‍ती, खोङबागी दोङदु छाक छावालाक धेनी केक ग्‍याप्‍ती ॱनेवालाक, “ॱलानामेपे को़न्‍क्षोकगी से येशु, ङीमुला खेराङगी ढेवा घी हेतो? ङाला दुक्‍पु ताङा माजे ॱनेरी, ङा खेराङला श्‍योवा पुलाहीन।”

१ कोरीन्‍थुपा 15:55

“ये छीवा, ख्‍यी़ ग्‍याखा घाना? ये छीवा, ख्‍यी़ दुङगो घाना?”

२ पेटो 2:4

घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।