लुका 16:2 - ॱलोवा

² धेनी खी़ ॱङेरपागोला भो़री ॱनेवालाक, ‘ख्‍यी़ कोरला ङी घोरकीन दे घी ले? ख्‍यी़ लेगा झ्‍येजागी चीगो ङाला तेर घीझ्‍येरी ॱनाना धीरीङने ॱहाला, ख्‍यो़ ङी ॱङेरपा झ्‍युङगुमालाक।’

लुका 16:2 Iomraidhean Croise

मेथा 12:36

ङा खेक्‍याला ॱनाहीन, ठीम चेगीन ङीमाला मी घीरीगी खोरी ॱनेना क्षोमेगीन छीक ङेन्‍पा रे-रेगी लेन तेर घो़गीलाक।

मेथा 20:8

“धा घोमो झ्‍युङी घाङला, घुन्‍डुमगी दुम्‍रागी दाक्‍पोगी़ खोरी ॱङेरपाला भो़री ॱनेवालाक, ‘मीलाकक्‍याला भो़री, खुङक्‍याला स्‍याम्‍योकने गो चुक्‍ती, धाङपो थुक्‍पे ॱलाज्‍या तेर।’

लुका 12:20

“हीना को़न्‍क्षोकगी होदेला सुवालाक, ‘ॱलेन्‍पो ख्‍यो़! धीरीङ छेमुराङ ख्‍यी़ छेसोक ख्‍यो़ने लेन्‍गीलाक धेनी ख्‍यी़ स्‍याम्‍दी श्‍याकश्‍या ग्‍युक्‍याई दाक्‍पो सु झ्‍युङगीले?’”

लुका 12:42

चोवोगी सुवालाक, “धा दाक्‍पोगी राङगी नाङमीक्‍याला धी़चो़ ताक-ताकला राङ-राङगी कादागी शामा तेरयेला को़का, ॱङेरपा ॱलो काथुप्‍कीन धाङ स्‍येरापचेनगो सुले?

लुका 16:1

येशुगी राङगी ङेनेक्‍याला सुवालाक, “मी क्षुक्‍पु च्‍यीकला ॱङेरपा च्‍यीक हो़तालाक। खी़ ग्‍युनोरगो ॱङेरपागी़ ॱयारी धेगीनगो, मीक्‍याई खोला स्‍येबालाक।

लुका 16:3

धेनी ॱङेरपागी़ साम्‍लो तावालाक, ‘धा, ङा घी झ्‍यीये घीझ्‍येरी ॱनाना ङी दाक्‍पोगी ङाला दे लेगाने पी़दी झाङये झ्‍यीदीक। सा ॱलोक्‍येला ङाला आङबु मेक धेनी ॱलोङमो ॱलाङयेला ङा ङोछी।

रोमापा 14:12

होझ्‍येरी होराङ हो़लेगी को़न्‍क्षोकला राङगी ची पुगीलाक।

१ कोरीन्‍थुपा 1:11

घीझ्‍येरी ॱनाना ङी पी़नक्‍याओ, खेक्‍या ठुक्‍ती धेदुक ॱनेरी, ङाला क्‍लोईगी नाङमीक्‍याई स्‍येजुङ।

१ कोरीन्‍थुपा 4:2

धा ॱङेरपाक्‍या नी, ॱलो का थुप्‍कीन झ्‍युङघो़।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

१ तीमोथेउ 4:14

क्षो़छोकगी गेम्‍पाक्‍याई ख्‍यी़ खाला लाक्‍पा श्‍याक्‍ती, ॱङो़नस्‍येखेनगी थोक्‍ने ख्‍यो़ला थोप्‍था ॱनाङज्‍यीनगोला, ख्‍यो़ ॱनाङमे माझ्‍यी।

१ तीमोथेउ 5:24

मी रीङगागी धीक्‍पाक्‍या ठीम चेयेगी एन्‍लाराङ, ॱङो़सुमदु सावो थोङालाक हीना श्‍येम्‍माक्‍याई धीक्‍पाक्‍या स्‍याम्‍ला च्‍यीका थोङालाक।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।

१ पेटो 4:5

हीना सो़न्‍पो धाङ स्‍यीम्‍पो ॱङीगी ठीम्‍चो़ ॱनाङयेला डाढीक हो़गीन, खोङबाला खुङक्‍याई ची पु घोगुलाक।

ॱङो़न्‍पा 20:12

धेनी ङी क्षे धाङ च्‍युङा स्‍यीम्‍पो घीरीला, श्‍युक्‍ठीगी दोङदु लारी धेगीनगो थोजुङ धेनी धेपक्‍या खा पेवालाक। धेनी छेसोकगी धेप हीन्‍गीन धेप श्‍येम्‍मा च्‍यीयाः खा पेवालाक। धेनी होदे धेबक्‍या नाङला ढीक हो़गीन, खुङक्‍याई झ्‍येजाला तेन्‍ती खुङक्‍याला ठीम्‍चो़ झ्‍युवालाक।