लुका 16:16 - ॱलोवा

¹⁶ क्षो़ठीम धाङ ॱङो़नस्‍येखेनक्‍या योहान्‍नागी धी़ थुक्‍पे च्‍यीगा सेटाक झ्‍येवालाक। धेनी होदे धी़चो़ने, को़न्‍क्षोकगी ग्‍यासीगी ताम्‍शाङगो सेटाक झ्‍ये हो़तालाक। धेनी मी घीरी होदे नाङदु जुयेला छाङगा ग्‍यालाक।

लुका 16:16 Iomraidhean Croise

मेथा 10:7

धेनी खेक्‍या डोवाराङ ‘नाम्‍खे ग्‍यासी ङ्ये ॱलेप्‍दुक।’ ॱनेरी सेटाक झ्‍यी।

मेथा 15:11

मीगी खा नाङदु जुगीनगी, मी देला ॱमेचाङा मेशोवालाक हीना मीगी खाने थो़न्‍गीनगी, मी देला ॱमेचाङा शोवालाक।”

मेथा 21:32

घीझ्‍येरी ॱनाना ठी़सो़खेन योहान्‍ना, खेक्‍याला ढाङतेनगी लाम तो़न्‍दु होवालाक धेनी खेक्‍याई खोला धेपा माझ्‍येवालाक। हीना ठा धुगीनक्‍या धाङ श्‍याङचोङमाक्‍याई, खोला धेपा झ्‍येवालाक। धेनी खेक्‍याई दे थोरीयाः, खेक्‍याई सेम ग्‍युरती खोला धेपा माझ्‍येवालाक।”

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मारकु 1:14

योहान्‍ना चो़न्‍खाङदु धाक सारती स्‍याम्‍ला, येशु गालीलदु को़न्‍क्षोकगी ताम्‍शाङ सुङी-सुङी फेप्‍पालाक।

मारकु 1:45

हीना खो सोरी होदे कोरला, हो़लेरु टाम्‍ये गो चुक्‍पालाक। धेनी येशु ग्‍याजादु धाब्‍ले मीमाङक्‍याई थोङसाला फेप ॱमाथुक्‍पालाक। धेनी येशु रीतोङ स्‍योकला श्‍युक्‍पालाक, घीहीनाः मीक्‍या छोक घीरीने खोङबाचारु होवालाक।

लुका 10:11

‘हीकी काङबी थीला गो़गा खीकी ग्‍याजागी थालागोवा खेक्‍याला ॱरुक्‍वाहीन।’ घीहीन्‍ना दे ॱहाघोरा झ्‍यी, ‘को़न्‍क्षोकगी ग्‍यासी ङ्ये ॱलेप्‍सादुक।’

लुका 10:9

होदुरु हो़गीन नेपाक्‍याला चो़गा झ्‍यी धेनी होदेक्‍याला ॱनो़, ‘को़न्‍क्षोकगी ग्‍यासी खीकी ङ्येला ॱलेप्‍सादुक।’

लुका 16:29

“हीना आब्‍राहामगी सुवालाक, ‘खुङक्‍याईमुला मोशे धाङ ॱङो़नस्‍येखेनक्‍याई ढीक्‍टा धेबक्‍या हो़तालाक। खुङक्‍याई होदे ङेन्‍दास्‍योक।’

लुका 16:31

आब्‍राहामगी खोला सुवालाक, ‘मोशे धाङ ॱङो़नस्‍येखेनक्‍याई सुङला, खुङक्‍याई मेङेन्‍ना स्‍यीम्‍बुक्‍याने च्‍यीक सो़न्‍दी डोनाः, खुङक्‍याई यीच्‍चे मीझ्‍यीगीलाक।’”

लुका 9:2

धेनी खोङबागी खुङक्‍याला, को़न्‍क्षोकगी ग्‍यासी सेटाक झ्‍यीये धाङ नेपाक्‍या चो़गा झ्‍यीयेला झावालाक।

योहान्‍ना 1:45

फीलीपगी नाथानेलला थुक्‍ती ॱनेवालाक, “मोशेगी क्षो़ठीमगी नाङदु ढीक्‍टा धाङ ॱङो़नस्‍येखेनक्‍यागीया ढीक्‍टा के-भु, योसेफगी भु नाजारेतगी येशुला हीकी ज्‍याजुङ।”

योहान्‍ना 11:48

खोला होराङ देरेराङ झ्‍यीदु च्‍युक्‍ना, मी घीरीगी खोला धेपा झ्‍यीटु धेनी रोमापाक्‍या होरी, होरी धाम्‍पे ॱने धाङ मीरीक ॱङीगारा ठोक्‍टु।”

योहान्‍ना 12:19

फारुसीपाक्‍याई च्‍यीकगी च्‍यीकला ॱनेवालाक, “तो़दाङ, जीक्‍तेन हो़ले खी़ स्‍याम्‍ला डाङी। होरी घीया झ्‍यी थुक्‍ये मेतालाक।”

योहान्‍ना 5:4

[खुङक्‍या होदे क्षु घुयेला घुक्‍ती धेतालाक। घीझ्‍येरी ॱनाना धी़-धी़ला को़न्‍क्षोकगी भाङछेन च्‍यीक होरी, होदे जीङुगी क्षु टुक्‍वालाक धेनी क्षुगो घुलुङ मेताला सु एन्‍ला होदे नाङदु जुली, होदे नाजा घारेगी तुम्‍दी धेहो़ना खो ढालाक।]

जेपा 3:18

हीना मास्‍यीकागी दुक्‍पु खुर घोवालाक सुरी, को़न्‍क्षोकगी एम्‍माने हाला ॱङो़नस्‍येखेन घीरीगी थोक्‍ने सुङगीनगो, देरे झ्‍येरी डुपा जेपालाक।