लुका 15:6 - ॱलोवा

⁶ धेनी नाङला होरी, खी़ खोरी रोवाक्‍या धाङ खीम्‍चेक्‍याला भो़री खुङक्‍याला ॱनागीलाक, ‘ङीमुला घाटो झ्‍यी घीझ्‍येरी ॱनाना ङी लुक तोरतागो ॱङेजुङ।’

लुका 15:6 Iomraidhean Croise

लुका 1:58

धेनी को़न्‍क्षोकगी मोला थुक्‍जेक्षे जेदुक, ॱनेरी ॱहाघोरती मी़ खीम्‍चेक्‍या धाङ पी़न्‍दाक्‍या मी़मुला ङ्यामो घेवालाक।

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 15:24

घीझ्‍येरी ॱनाना ङी भीजा दे स्‍यीवालाक धेनी याङ सो़न्‍दी होजुङ। धेनी तोरपालाक धेनी ॱङेजुङ।’ धेनी खुङक्‍याई कीपो ताङये गो चुक्‍पालाक।

लुका 15:5

धेनी होदेगो ॱङेदी, स्‍याम्‍ला खो ङ्यामो घेरी होदेला खोरी ठाक्‍पा खाला खुरकीलाक।

लुका 15:7

ङा खेक्‍याला ॱनाहीन देरे झ्‍येरीराङ धीक्‍पा पारी सेमग्‍युर मेघोगीन, मी ढाङपो घुपच्‍यु घोरगुक्‍याने ल्‍हाक, धीक्‍पा पारी सेम ग्‍युरकीन मी धीक्‍चेन च्‍यीकगी क्षीला, नाम्‍खे श्‍यीङखामदु माङा ङ्यामो घा झ्‍युङगीलाक।”

योहान्‍ना 15:14

ङी खेक्‍याला तेरकीन कागो खेक्‍याई ॱरुङना, खेक्‍या ङी छो़ढोक हीन।

योहान्‍ना 3:29

ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 15:3

क्षो़छोकने झाजा मी देक्‍या फोनीके धाङ सामारीयाने झ्‍युरी, याहुदापा मेन्‍गीन मीरीकगी मीक्‍याः को़न्‍क्षोकला धेपा झ्‍यीगीन झ्‍यु हो़तालाक ॱनेरी स्‍येदी सोवालाक। दे लाब घोरती धेपा-झ्‍यीगीनक्‍या ॱमीच्‍यीकी ङ्यामो घेवालाक।

फीलीप्‍पीपा 1:4

ङी ॱमो़लाम घीरीला, खेक्‍या घीरीगी क्षीदु ङा घाटोगी थोक्‍ने ॱमो़लाम ग्‍यावीहो़क।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

फीलीप्‍पीपा 4:1

होझ्‍येरी ङी पी़नक्‍याओ, ङा खेक्‍याला चीदुङ झ्‍यीदीहो़क धेनी खेक्‍याला ढेन्‍दी हो़क। खेक्‍या ङी घाटो धाङ चो़पेन च्‍योक्‍रे हीन। धेनी चेवे रोवाक्‍याओ, देरेराङ झ्‍येरी चोवोगी नाङ तेन्‍पो ॱनेती धो़क।

१ थेसालोनीकेपा 2:19

चोवो येशु फेई घाङला, खोङबागी डुङदु, हीकी रेवा धाङ घाटो धाङ उगेनगी ङोम्‍जोगो खेक्‍याराङ मालाक से?

१ पेटो 2:10

धी़ च्‍यीकला खेक्‍या को़न्‍क्षोकगी मी मालाक हीना धान्‍दा खेक्‍या को़न्‍क्षोकगी मी लाक। धेनी धी़ च्‍यीकला खेक्‍याला ॱङीङजे ॱमाथोप हो़तालाक हीना धान्‍दा, खेक्‍याला ॱङीङजे थोप हो़तालाक।

१ पेटो 2:25

घीझ्‍येरी ॱनाना “खेक्‍या लुकक्‍या च्‍योक्‍रे गो थोम्‍दी धे हो़तालाक।” हीना धान्‍दा खेक्‍याई झ्‍यीवु धाङ सेम ॱरुङगीनगो चारु, खेक्‍याला ॱलोक्‍ती हो हो़तालाक।