लुका 15:24 - ॱलोवा

²⁴ घीझ्‍येरी ॱनाना ङी भीजा दे स्‍यीवालाक धेनी याङ सो़न्‍दी होजुङ। धेनी तोरपालाक धेनी ॱङेजुङ।’ धेनी खुङक्‍याई कीपो ताङये गो चुक्‍पालाक।

लुका 15:24 Iomraidhean Croise

मेथा 8:22

हीना येशुगी खोला सुवालाक, “ङी स्‍याबाला स्‍योक धेनी स्‍यीम्‍बुक्‍याईराङ, खोराङक्‍याई फुङबु कुङदु च्‍युक।”

मारकु 8:22

धेनी येशु धाङ ङेनेक्‍या बेथसेदारु ॱलेप्‍पालाक। धेनी मी रीङगागी श्‍यारा च्‍यीकला, येशुचारु ठीक्‍ती होरे, होदेला क्षाक जेरोझ्‍यी ॱनेरी श्‍यी़वालाक।

लुका 10:19

ङी खेक्‍याला डु धाङ धीक्‍पा राचाकक्‍याला काङबी ॱलेये धाङ डागी वाङ घीरीगी, खाला आङजा तेरहो़क धेनी घीन्‍गीया खेक्‍याला ॱनो़ क्‍यागीमालाक।

लुका 15:23

धेनी ओत्‍तो ग्‍यायोकगो खेरती होरी सो़क, धेनी होराङ होदे शेरी कीपो ताङु।

लुका 15:25

“होदे घाङला खी़ भीजा क्षेगो श्‍यीङला हो़तालाक। धेनी खो खाङबी भोलोक्‍तु ॱलेप्‍यी घाङला, ॱलु लेन्‍गीन धाङ श्‍यापरु ग्‍याप्‍कीनगो घोरपालाक।

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

लुका 15:4

“खेक्‍याने मी च्‍यीकगी लुक ग्‍याने च्‍यीक तोरना, होदे लुक घुपच्‍यु घोरगुगोला पाङगारु भोरती, होदे लुक तोरतागो ॱमाङेगीन थुक्‍पे खो होदेला चारु डुगु मालाक से?

लुका 19:10

घीझ्‍येरी ॱनाना मी-भु नी तोरताक्‍याला ॱयाङये धाङ क्‍योप्‍येगी क्षीला होवालाक।”

लुका 9:60

धेनी खोङबागी होदेला सुवालाक, “स्‍यीम्‍बुराङला राङगी फुङबु कुङदु च्‍युक हीना ख्‍यो़ सोरी को़न्‍क्षोकगी ग्‍यासीगी सेटाक झ्‍यी।”

योहान्‍ना 11:25

खोङबागी मोला सुवालाक, “ॱलार सो़न्‍गीन धाङ छेसोक नी, ङा हीन। ङाला धेपा झ्‍यीगीनक्‍या स्‍यीनाः सो़न्‍पो ॱनेगीलाक।

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

रोमापा 11:15

घीझ्‍येरी ॱनाना खुङक्‍याई पाङपागो, जीक्‍तेनगी मी घीरी को़न्‍क्षोकमुला दुम्‍ये झ्‍युङहो़ना, खुङक्‍याला खेलेन झ्‍यीना ॱयोल्‍ले ॱहाङसागीन झ्‍युङगीलाक। दे नी, स्‍यीम्‍बुक्‍या सो़न्‍पो झ्‍युङगीन च्‍योक्‍रे झ्‍युङगीलाक।

रोमापा 12:15

घाटो झ्‍यीगीनक्‍यामुला घाटो झ्‍यी धेनी ङुता ग्‍याप्‍कीनक्‍यामुला ङुता ग्‍योप।

रोमापा 6:11

देरेराङ झ्‍येरी खेक्‍याः धीक्‍पे वाङ होकदु ॱमेनेला स्‍यीछारसा, हीना मास्‍यीका येशु थोक्‍ने को़न्‍क्षोकगी शीजेगी क्षीदु सो़न्‍पो चीघो़।

रोमापा 6:13

राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

१ कोरीन्‍थुपा 12:26

येन्‍लाक च्‍यीक दुक्‍पु ङ्याङना, येन्‍लाक घीरीमुला दुक्‍पु ङ्याङालाक। याङना येन्‍लाक च्‍यीकगी घुस्‍याप झ्‍युङना, येन्‍लाक घीरीमुला घाटो झ्‍यीदालाक।

एफीसुपा 2:1

एम्‍मा खेक्‍या राङगी ङेक्‍यो़न धाङ धीक्‍पागी झ्‍येरी, स्‍यीस्‍या च्‍योक्‍रे हो़तालाक।

एफीसुपा 2:5

होझ्‍येरी धीक्‍पागी नाङदु छी़दी, होराङ स्‍यीस्‍या च्‍योक्‍रे हो़नाः, खोङबागी होराङला मास्‍यीकामुला सो़न्‍पो जेपालाक। थुक्‍जेगी थोक्‍नेराङ, खेक्‍याला थारपा थोप हो़तालाक।

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

कोलोसेपा 2:13

खेक्‍या खेरी धीक्‍पाक्‍याई झ्‍येरी स्‍यीस्‍या च्‍योक्‍रे, धेनी ली़ला पाउ ॱमाचेचा हो़ताराङ, को़न्‍क्षोकगी खेक्‍याला मास्‍यीकामुला सो़न्‍पो जेपालाक। धेनी खोङबागी होरी धीक्‍पा घीरी सेल जेदी,

१ तीमोथेउ 5:6

हीना युक्‍जामा दे दो़यो़नला क्षाक्‍ना, मो सो़न्‍पो झ्‍येरीया स्‍यीस्‍या च्‍योक्‍रे लाक।

युदा 1:12

खीकी झाम्‍पे डो़नला दे मीक्‍या ढीमाक च्‍योक्‍रे दुक घीझ्‍येरी ॱनाना देक्‍या ङोजा मीझ्‍यीदा, राङला च्‍यीगा साम्‍दी ॱमीच्‍यीकी शा-थुङ झ्‍यीदालाक। देक्‍या नी, ॱलुङगी ताक्‍ती खेरकीन क्षु मेगीन ॱरीङबाक्‍या च्‍योक्‍रे लाक धेनी तो़न्‍गागी ढेबु मेगीन थेङमा ॱङी स्‍यीछासा, चावाने कोक्‍का स्‍यीङदोङ च्‍योक्‍रे लाक।

ॱङो़न्‍पा 3:1

“सारतीगी क्षो़छोकगी भाङछेनला देरे ढीक, “को़न्‍क्षोकगी थुक्‍ङी धी़न धाङ कारमा धी़न हो़गीनगी, दे काक्‍या सुङी। ख्‍यी़ लेगाक्‍या ङाला स्‍येयेहो़क। धेनी मीङगी छाने खेक्‍या सो़न्‍पो हो़ना, खेक्‍या स्‍यी हो़तालाक।