लुका 15:10 - ॱलोवा

¹⁰ ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 15:10 Iomraidhean Croise

मेथा 10:32

“होझ्‍येरी मी दोङदु ङाला खेलेन्‍गीनक्‍याला, ङा नाम्‍खे श्‍यीङखामदु श्‍युक्‍कीन ङी यापगी दोङदु खेलेन झ्‍यीयेहीन।

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 18:14

होदे च्‍योक्‍रे, टु च्‍युङा देक्‍याने च्‍यीया मेताला ताङये, दे नाम्‍खे श्‍यीङखामदु श्‍युक्‍कीन ङी यापगी थुकोङ मालाक।

लुका 12:8

“ङा खेक्‍याला ॱनाहीन, मीक्‍याई दोङदु ङाला खेलेन्‍गीनक्‍याला मी-भुगीयाः, नाम्‍खे भाङछेनक्‍याई दोङदु खे लेन्‍गीलाक।

लुका 12:9

हीना मीक्‍याई दोङदु ङाला खे मेलेन्‍गीनक्‍याला, नाम्‍खे भाङछेनक्‍याई दोङदु खे मेलेन्‍गीलाक।

लुका 13:5

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।”

लुका 15:11

येशुगी सुवालाक, “मी च्‍यीकला भीजा ॱङी हो़तालाक।

लुका 15:7

ङा खेक्‍याला ॱनाहीन देरे झ्‍येरीराङ धीक्‍पा पारी सेमग्‍युर मेघोगीन, मी ढाङपो घुपच्‍यु घोरगुक्‍याने ल्‍हाक, धीक्‍पा पारी सेम ग्‍युरकीन मी धीक्‍चेन च्‍यीकगी क्षीला, नाम्‍खे श्‍यीङखामदु माङा ङ्यामो घा झ्‍युङगीलाक।”

लुका 15:9

होदे ॱङेना मी़ मोरी आदाक्‍या धाङ खीम्‍चेक्‍याला भो़री ॱनागीलाक, ‘ङीमुला घाटो झ्‍यी घीझ्‍येरी ॱनाना ङी टाङगा तोरतागो ङाला ॱङेजुङ।’

लुका 7:47

होझ्‍येरी ङा ख्‍यो़ला ॱनाहीन, मी़ धीक्‍पा माङागोला सेसालाक घीझ्‍येरी ॱनाना मी़ माङा चेवा झ्‍येवालाक। हीना घोयाङ ङ्युङा थोप्‍कीनगी़ चेवा ङ्युङा झ्‍यीदालाक।”

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 5:19

हीना चोवोगी भाङछेन च्‍यीक छेन्‍मो फेप्‍ती, आटागी घोगो पेवालाक धेनी कुछापक्‍याला फीला तो़न्‍दी सुवालाक,

२ कोरीन्‍थुपा 7:10

को़न्‍क्षोकगी थुकोङला हो़गीन सेम क्‍योगीनगी, सेम ग्‍युरतु च्‍युक्‍वालाक धेनी दी होराङला थारपा ॱनाङालाक। धेनी होदुरु ग्‍यो़पा मेयोङालाक हीना जीक्‍तेनगी सेम क्‍योयेगी छीवा खेरती हुङालाक।

फीलेमोन 1:15

होझ्‍येरी खो तेन्‍दु ख्‍यो़ला थोप्‍येगी क्षीला, खी़मुला धी़ तीते च्‍यीक खा डावा हीन्‍ढु।

ईब्‍रीपा 1:14

होदे नाम्‍खे भाङछेन घीरी थारपा थोप्‍ये हीन्‍गीनक्‍याई क्षीदु, श्‍याप्‍ची श्‍युयेला ॱङाक्‍ङा सेम्‍ङीक्‍या मालाक से?