लुका 14:23 - ॱलोवा

²³ दाक्‍पोगी़ ॱयोक्‍पोला ॱनेवालाक, ‘ङी खाङबा खाङयेगी क्षीला, युक्‍याई ग्‍यालाम धाङ ॱराङगाकक्‍याला सोरी मीक्‍याला ङी नाङदु स्‍योक ॱनेरी उजुक झ्‍यी।

लुका 14:23 Iomraidhean Croise

मेथा 21:43

“होझ्‍येरी ङा खेक्‍याला ॱनाहीन, नाम्‍खे ग्‍यासी दे खेक्‍याने ठोक्‍ती, ढेबु केगीन मीग्‍युक्‍याला ॱनाङगीलाक।

मेथा 5:41

ख्‍यो़ला मीटार तोङ च्‍यीक डोयेला उजुक झ्‍यीगीनगो मुला, मीटार तोङ ॱङी सोङ।

लुका 14:22

धेनी ॱयोक्‍पोगी़ ॱनेवालाक, ‘खेराङगी का ॱनाङगीन च्‍योक्‍रे झ्‍युजुङ हीना धोराङा साज्‍या माङा स्‍योङये दुक।’

लुका 14:24

घीझ्‍येरी ॱनाना ङा ख्‍यो़ला ॱनाहीन, डो़नला भो़पा मीक्‍याने सी़याः ङी श्‍युक्‍टागी ढोवा लेन्‍ये राक्‍कुमालाक।’”

लुका 24:29

हीना खुङ ॱङीउगी येशुला उजुक झ्‍येरी श्‍यी़वालाक, “हीकीमुला श्‍युक्‍रो ॱनाङ घीझ्‍येरी ॱनाना ङीमा फेप्‍ती ॱरो रुक्‍कु झ्‍यीदी।” धेनी खोङबा खुङ ॱङीउमुला श्‍युक्‍येला नाङदु फेप्‍पालाक।

जेपा 16:15

धेनी धेपा झ्‍येरी लीडीया धाङ मी़ नाङमीगी ठी़सो़ लेन्‍बालाक। होदे स्‍याम्‍ने मी़ हेक्‍याला मोरी नाङला, धेयेला श्‍योवा पुरी ॱनेवालाक, “खेराङक्‍याई ङाला ॱङोन्‍नेराङ चोवोला धेपा झ्‍येजा नुमु चीली हो़ना, हीकी नाङला होरी हेक्‍यामुला श्‍युक्‍रोनाङ।” देरे झ्‍येरी मी़ हेक्‍याला मोरी नाङला डोये शो़जुङ।

जेपा 18:6

हीना खुङक्‍याई पाउलुला खेमेलेन्‍दा ॱमेटा तावालाक। धेनी पाउलुगी खोरी घो़ पी़दी होदेगी थाला ॱरुक्‍ती ॱनेवालाक, “खेक्‍याला छेपा फोक्‍ना, खेरी घोवालाराङ फोक्‍कीलाक। ङी क्‍यो़न घीया मेक। धा देने ॱहाला, ङा याहुदापा मेन्‍गीन मीरीकक्‍या चारु डोयेहीन।”

जेपा 28:28

“होझ्‍येरी को़न्‍क्षोकने थोप्‍कीन थारपा दे, याहुदापा मेन्‍गीन मीरीकक्‍याला ॱनाङ हो़तालाक धेनी खुङक्‍याई होदे ङेन्‍गीलाक ॱनेरी, खेक्‍याई स्‍येलाझ्‍यी ॱनेरी ङा दो़दीहो़क।”

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 10:18

हीना ङा ढीलाहीन, खुङक्‍याई माघोरपालाक से? ॱङोन्‍नेराङ घोर हो़तालाक। घीझ्‍येरी ॱनाना “खुङक्‍याई केक साश्‍यी हो़लेरु ख्‍याप्‍दुक, धेनी खुङक्‍याई का जाम्‍लीङगी था थुक्‍पे ख्‍याप्‍दुक।”

२ कोरीन्‍थुपा 5:11

चोवोला कुरती झ्‍यीयेगो हेक्‍याई स्‍येगीन झ्‍येरी, हेक्‍या मी श्‍येम्‍माक्‍याला च्‍याक ग्‍यावीहो़क। हेक्‍या घारे हो़गीनगो को़न्‍क्षोकगी खेन्‍दा जेदालाक धेनी खेक्‍याई सेम्‍बा नाङदुवाः, हेक्‍याला ङोस्‍येगीनगो हेक्‍या दो़दीहो़क।

२ कोरीन्‍थुपा 5:20

होझ्‍येरी हेक्‍या मास्‍यीकागी कुछापक्‍या लाक धेनी को़न्‍क्षोकगी हेक्‍याई थोक्‍ने, मीक्‍याला कुला जेदालाक। हेक्‍या मास्‍यीकागी छाप्‍ने खेक्‍याला को़न्‍क्षोकमुला दुमा झ्‍यी ॱनेरी, श्‍योवा पुलाहीन।

२ कोरीन्‍थुपा 6:1

हेक्‍या को़न्‍क्षोकगी लेरोक हीन्‍गीन झ्‍येरी, हेक्‍या खेक्‍याला को़न्‍क्षोकगी थुक्‍जेगो दो़न्‍मेदु मालेन ॱनेरी, श्‍योवा पुलाहीन।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।