लुका 14:21 - ॱलोवा

²¹ धेनी ॱयोक्‍पोगो होरी खोरी दाक्‍पोला दे लाब घीरी स्‍येपालाक। धेनी खाङबी दाक्‍पोगो श्‍येताङ लारी, खोरी ॱयोक्‍पोला ॱनेवालाक, ‘ग्‍याजागी लाम्‍गाक्‍या धाङ ॱराङगाकक्‍याला ग्‍योक्‍जे सोङ, धेनी उटेक्‍या धाङ लाक्‍पा काङबा मेगीनक्‍या धाङ श्‍याराक्‍या धाङ श्‍याक्‍योवाक्‍याला दुरु नाङदु ठीक्‍ती स्‍योक।’

लुका 14:21 Iomraidhean Croise

मेथा 11:28

“ख्‍ये थाङ क्षेछा धाङ खु क्षेगी ॱनेम्‍दी धेता घीरी ङीचारु स्‍योक, ङी खेक्‍याला ङासु तेरु।

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 15:12

धेनी ङेनेक्‍या होरी खोङबाला श्‍यी़वालाक, “खेराङगी दे सुङगीनगो फारुसीपाक्‍याई घोरती, खुङक्‍याला फोक्‍कीनगो खेराङगी खेन्‍दा जेदे?”

मेथा 18:31

“धेनी खी़ ॱयोक्‍पो रोवा श्‍येम्‍माक्‍याई होदुरु घी झ्‍युङगीनगो थोरी, खुङक्‍या ॱमीच्‍यीकी सेम फाम्‍बालाक। धेनी सोरी ग्‍यावुगोला होदुरु झ्‍युङगीन घीरी स्‍येपालाक।

मेथा 20:7

खुङक्‍याई ॱनेवालाक, ‘मी सी़या हेक्‍याला ॱलाला लेगा कुगी मीदुक।’ खी़ खुङक्‍याला ॱनेवालाक, ‘खेक्‍याः घुन्‍डुमगी दुम्‍रादु लेगा झ्‍यीरु सोङ।’

लुका 14:13

हीना ख्‍यी़ डो़नला भो़ली घाङला, उटेक्‍या धाङ काङबा लाक्‍पा मेगीनक्‍या धाङ श्‍याक्‍योवाक्‍या धाङ श्‍याराक्‍याला भो़।

लुका 14:20

याङ श्‍येम्‍मागी़ ॱनेवालाक, ‘ङी धान्‍दाका ॱनामा लेन्‍बी। होझ्‍येरी ङा हुङ थुक्‍ये मीदुक।’

लुका 14:22

धेनी ॱयोक्‍पोगी़ ॱनेवालाक, ‘खेराङगी का ॱनाङगीन च्‍योक्‍रे झ्‍युजुङ हीना धोराङा साज्‍या माङा स्‍योङये दुक।’

लुका 14:24

घीझ्‍येरी ॱनाना ङा ख्‍यो़ला ॱनाहीन, डो़नला भो़पा मीक्‍याने सी़याः ङी श्‍युक्‍टागी ढोवा लेन्‍ये राक्‍कुमालाक।’”

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

लुका 9:10

धेनी कुछापक्‍या लोक्‍ती होरी, खोराङक्‍याई झ्‍येजा लेगा घीरी येशुला स्‍येपालाक। धेनी खोङबागी खुङक्‍याला ठीक्‍ती, बेथसेदा ॱनागीन ग्‍याजारु खाबा फेप्‍पालाक।

योहान्‍ना 9:39

येशुगी सुवालाक, “दे जीक्‍तेनदु ङा ठीम चेदु होवाहीन। श्‍याराक्‍याई थोङये धाङ थोङ थुयी साम्‍गीनक्‍याला श्‍यारा शोयेला, ङा होवाहीन।”

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।

ईब्‍रीपा 2:3

धा होरी देरे थारपा क्षेला दो़नाङ ॱमेतेरना, होराङ घाङगी झ्‍येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्‍गीनक्‍याई, होराङक्‍याला होदेगी धेन्‍पाङ झ्‍येवालाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

ॱङो़न्‍पा 19:15

मीरीकक्‍याला ग्‍याप्‍येगी क्षीला, खोङबागी श्‍यालने राल्‍डी ॱनोवा च्‍यीक थो़न्‍दी धेनी खोङबागी च्‍याकगी भेक्‍योकगी थोक्‍ने, खुङक्‍या खाला वाङग्‍युर जेगीलाक। धेनी घुन्‍क्षाङ चीरसा श्‍योङ नाङने खोवा तो़न्‍गीन च्‍योक्‍रे, खोङबागी कुवाङ को़न्‍क्षोकगी थुक्‍ठो़गी नाङ खुङक्‍याला चीरकीलाक।

ॱङो़न्‍पा 22:17

धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।