लुका 14:15 - ॱलोवा

¹⁵ धा येशुमुला श्‍यालाकला धेगीनक्‍याने मी च्‍यीकगी, दे लाबक्‍या घोरती खोङबाला श्‍यी़वालाक, “को़न्‍क्षोकगी ग्‍यासी नाङदु, शामा शाये हीन्‍गीन घीरी झ्‍यीलाप क्षे।”

लुका 14:15 Iomraidhean Croise

मेथा 25:10

“धेनी खुङक्‍या ङ्योरु डी़ घाङला, माक्‍पागो ॱलेप्‍पालाक। धेनी डाढीक झ्‍येरी धेताक्‍या, खी़मुला छाङजागी डो़न नाङदु जुवालाक धेनी घोगो ग्‍याप्‍पालाक।

मेथा 8:11

ङा खेक्‍याला ॱनाहीन, स्‍यार धाङ नुप स्‍योकने मी माङा होरी, आब्‍राहाम धाङ ईसाक धाङ याकोबमुला नाम्‍खे ग्‍यासीदु श्‍युक्‍टाला धेगीलाक।

लुका 12:37

धेनी दाक्‍पोगो नाङला लोक्‍ती हुङी घाङला ॱयोक्‍पोक्‍या, ॱङी मालोक्‍वा धेगीन थुक्‍ना होदे ॱयोक्‍पोक्‍या झ्‍यीलाप क्षे लाक। ङा ॱङोन्‍ने खेक्‍याला ॱनाहीन, होदे दाक्‍पोगी़ राङगी केराक रेरी, ॱयोक्‍पोक्‍याला शामा शायेला धेदु च्‍युक्‍ती खुङक्‍याई श्‍याप्‍ची श्‍युगीलाक।

लुका 13:29

मीक्‍या स्‍यार धाङ नुप धाङ झ्‍याङ धाङ ल्‍हो स्‍योकने होरी, को़न्‍क्षोकगी ग्‍यासीगी श्‍युक्‍टाला धेगीलाक।

लुका 22:16

घीझ्‍येरी ॱनाना ङा खेक्‍याला ॱनाहीन, को़न्‍क्षोकगी ग्‍यासीदु दे माडुप्‍कीन थुक्‍पे, ङा याङदा दे श्‍येलाक दे शायेमेन।”

लुका 22:30

धेनी खेक्‍या ङी ग्‍यासीदु ङीमुला शा-थुङ झ्‍यीगीलाक धेनी श्‍युक्‍ठीक्‍याला धेदी ईस्‍राएलगी ग्‍युपा च्‍युङङीगी खाला ठीम झ्‍यीगीलाक।”

ॱङो़न्‍पा 19:9

धेनी होदे नाम्‍खे भाङछेनगी ङाला सुजुङ, “दे ढीक। लुक्‍टुगी ॱनामा लेन्‍जारु डो़नला भो़पाक्‍या झ्‍यीलाप क्षे लाक।” धेनी याङ खोङबागी ङाला सुजुङ, “देक्‍या नी को़न्‍क्षोकगी सुङला धेन्‍पाक्‍या लाक।”