लुका 14:13 - ॱलोवा

¹³ हीना ख्‍यी़ डो़नला भो़ली घाङला, उटेक्‍या धाङ काङबा लाक्‍पा मेगीनक्‍या धाङ श्‍याक्‍योवाक्‍या धाङ श्‍याराक्‍याला भो़।

लुका 14:13 Iomraidhean Croise

मेथा 15:30

मीछोक क्षे च्‍यीक खोङबागी डुङदु च्‍यारपालाक धेनी श्‍याक्‍योक, श्‍यारा, खोङपो, घोवा-घुमा धाङ श्‍येम्‍मा ॱमीच्‍यीकी माङा ठीक्‍ती, खोङबागी श्‍याप डुङदु श्‍याक्‍पालाक। धेनी खोङबागी होदेक्‍याला चो़गा जेपालाक।

मेथा 22:10

धेनी होदे ॱयोक्‍पोक्‍या लाम्‍गाक्‍याला सोरी ॱङेगीन मी शाङा धाङ ङेन्‍पा घीरीला रुक्‍पालाक। धेनी क्षाङसागी डो़न्‍खाङगो खावालाक।

लुका 11:41

हीना नाङला हो़गीनगो उटेक्‍याला ज्‍यीम्‍बा तोङ धेनी ख्‍यी़ क्षीला घीरी चाङमा झ्‍युङगीलाक।”

लुका 14:12

धेनी खोङबाला डो़नला भो़गीन फारुसीपागोला खोङबागी सुवालाक, “ख्‍यी़ ॱङारोक याङना घोमोगी डो़नला भो़ली घाङला, ख्‍यो़री रोवाक्‍या धाङ आज्‍यो-नोक्‍या धाङ पी़न्‍दाक्‍या याङना खीम्‍चे क्षुक्‍पुक्‍याला माभो़। देरे झ्‍यीना खुङक्‍यागीयाः ख्‍यो़ला डो़नला भो़री, ख्‍यो़री छापगो ॱलोक्‍कीलाक।

लुका 14:14

धेनी ख्‍यो़ला झ्‍यीलाप थोप्‍कीलाक घीझ्‍येरी ॱनाना खुङक्‍याई ख्‍यी़ छापगो ॱलोक ॱमीथुक्‍कीलाक। हीना ढाङतेनक्‍या कुसो़न्‍पो जेयेगी धी़ला, ख्‍यो़ला होदेगी ढेबुगो थोप्‍कीलाक।”

लुका 14:21

धेनी ॱयोक्‍पोगो होरी खोरी दाक्‍पोला दे लाब घीरी स्‍येपालाक। धेनी खाङबी दाक्‍पोगो श्‍येताङ लारी, खोरी ॱयोक्‍पोला ॱनेवालाक, ‘ग्‍याजागी लाम्‍गाक्‍या धाङ ॱराङगाकक्‍याला ग्‍योक्‍जे सोङ, धेनी उटेक्‍या धाङ लाक्‍पा काङबा मेगीनक्‍या धाङ श्‍याराक्‍या धाङ श्‍याक्‍योवाक्‍याला दुरु नाङदु ठीक्‍ती स्‍योक।’

जेपा 9:39

होझ्‍येरी पेटो लारी खुङक्‍यामुला सोवालाक। खो होदुरु ॱलेप्‍ती, खुङक्‍याई खोला खीम तो़ला ठीक्‍पालाक। होदुरु युक्‍जामाक्‍या ङुता ग्‍यावी हो़तालाक धेनी खुङक्‍यामुला हो़ती घाङला, दोरकासगी शो़सा घो़ धाङ घोलाक श्‍येम्‍माक्‍या पेटोला तो़न्‍बालाक।

१ तीमोथेउ 3:2

होझ्‍येरी क्षो़छोकगी तातोक्‍पागो क्‍यो़न्‍जुक घीया मेगीन धाङ केमी च्‍यीकगी ख्‍योवा, साम्‍लो थोङा, छो़ शीम्‍गीन धाङ याराप शाङा धाङ डो़न्‍बो सुयेला घागीन धेनी ॱलोपो़न झ्‍यीयेला खेवा हो़गीन,

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

तीतोस 1:8

हीना खो डो़नला फेप्‍सु श्‍यी़येला घागीन धाङ ले शाङपो झ्‍यीयेला घागीन धाङ राङ छो़ शीम्‍गीन धाङ ढाङपो धाङ धाम्‍पा धाङ च्‍यो़पा ढुङा झ्‍युङ घो़गीलाक।

फीलेमोन 1:7

ङी पी़न ख्‍यी़ धाम्‍पे मीक्‍याला सेम्‍सो पारती, ख्‍यी़ झाम्‍पाने ङाला घाटो धाङ सेमस्‍युक क्षे थोप्‍सुङ।

ईब्‍रीपा 13:2

डो़न्‍बोक्‍याला नाङदु फेप्‍सु श्‍यी़येला, ढेन्‍बा माझ्‍ये घीझ्‍येरी ॱनाना देरेराङ झ्‍येरी, खेक्‍याने रीङगागी ॱहामाघोवाला नाम्‍खे भाङछेनक्‍याला फेप्‍सु श्‍यी़ हो़तालाक।