लुका 14:1 - ॱलोवा

¹ ङासुगीन ङीमा च्‍यीकला, येशु फारुसीपाक्‍याई पो़न्‍पो च्‍यीकगी नाङदु डो़नला फेप्‍पालाक। धेनी फारुसीपाक्‍याई खोङबाला ॱमीच्‍यीकी श्‍यीप्‍ता झ्‍येरी, तेरी धेबालाक।

लुका 14:1 Iomraidhean Croise

मेथा 12:12

लुक च्‍यीकले मी च्‍यीक घाजो़ माङा चाक्षे ले। होझ्‍येरी ङासुगीन ङीमाला, ले शाङपो झ्‍यी छोक्‍कीलाक।”

मारकु 3:2

येशुला क्‍यो़न चुक्‍येला ङासुगीन ङीमागोला, खोङबागी होदे मीला चो़गा जेदी मेजेदी ॱनेरी, फारुसीपाक्‍या सो ग्‍याप्‍ती धेपालाक।

लुका 11:37

येशुगी होदेक्‍या सुङसारती, फारुसीपा च्‍यीकगी खोङबाला डो़नला भो़वालाक। होझ्‍येरी खोङबा नाङदु फेप्‍ती, श्‍यालाक श्‍येयेला श्‍युक्‍पालाक।

लुका 14:2

होदुरु येशुगी डुङदु क्षु साक्‍ती, लाक्‍पा काङबा बो़बा मी च्‍यीक धे हो़तालाक।

लुका 17:20

धा को़न्‍क्षोकगी ग्‍यासी नाम फेप्‍कीलाक ॱनेरी, फारुसीपाक्‍याई ढीरी येशुगी लेन दे सुवालाक, “को़न्‍क्षोकगी ग्‍यासी नी ॱमीकगी थोङ थुप्‍ये हीन्‍गीन झ्‍येरी फेप्‍कीमालाक।

लुका 20:20

धेनी खुङक्‍याई घुकाप चारी ढाङपो हीन दोक-दोक झ्‍यीगीन सोवाक्‍याला, खोङबागी सुङगीन छीकक्‍या शीम्‍दी, खोङबाला चीख्‍यापगी ठीम धाङ वाङला ची ग्‍याप्‍येला झावालाक।

लुका 6:7

धेनी येशुला ङेक्‍यो़न चुक्‍ये घुकाप चायेगी क्षीला, क्षो़ठीमगी ॱलोपो़नक्‍या धाङ फारुसीपाक्‍याई, खोङबागी ङासुगीन ङीमाला चो़गा झ्‍यीदी मीझ्‍यीदी, ॱनेरी तेरी धेबालाक।

योहान्‍ना 3:1

धा होदुरु फारुसीपाक्‍याने, नेकोदेम ॱनागीन याहुदापे क्षो़पो़न च्‍यीक हो़तालाक।

जेपा 5:34

हीना गामालीएल ॱनागीन फारुसीपा मी च्‍यीक छोक्‍पा घुङदु लारी, कुछापक्‍याला तीते च्‍यीक फीला झावालाक। खो मी घीरीगी चीगीन क्षो़ठीमगी ॱलोपो़न लाक।