लुका 13:33 - ॱलोवा

³³ हीना धीरीङ ॱङेटो धाङ ॱनाः, ङा ङारी लामला डो घोगीलाक घीझ्‍येरी ॱनाना ॱङोन्‍नेराङ ॱङो़नस्‍येखेन च्‍यीक येरुसालेमने फीला ढोङ ॱमीथुक्‍कीलाक।’

लुका 13:33 Iomraidhean Croise

मेथा 20:18

“ङेन्‍दाङ, होराङक्‍या येरुसालेमला डोवालाक। धेनी मी-भु, क्षो़पो़न क्षेक्‍या धाङ क्षो़ठीमगी ॱलोपो़नक्‍याई लागला ची ग्‍याप्‍कीलाक धेनी खुङक्‍याई खोला सेयेगी ठीम चेगीलाक।

मेथा 21:11

धेनी मीछोकक्‍याई ॱनेवालाक, “दे नी गालीलगी नाजारेतने हीन्‍गीन, ॱङो़नस्‍येखेन येशुगो लाक।”

लुका 9:53

हीना खोङबा येरुसालेम स्‍योकला फेप्‍येगो स्‍येरी, मीक्‍याई खोङबाला फेप्‍सु माश्‍यी़वालाक।

योहान्‍ना 11:54

होझ्‍येरी येशु याहुदापाक्‍याई घुङदु ॱङो़न्‍सुमदु नामा ॱमाफेप्‍पालाक। खोङबा होदेने फेप्‍ती रीतोङगी ङ्येला हो़गीन, एफराईम ॱनागीन युदु राङगी ङेनेक्‍यामुला श्‍युक्‍पालाक।

योहान्‍ना 11:9

येशुगी सुवालाक, “ङीनला छुजी च्‍युङङी मेयोङाले? ङीङमो घोबा ग्‍याप्‍कीनक्‍या थोक्‍ती, गोती मेलोक्‍कीलाक घीझ्‍येरी ॱनाना खुङक्‍याई जीक्‍तेनगी हो़ थोवालाक।

योहान्‍ना 12:35

येशुगी खुङक्‍याला सुवालाक, “हो़ दे खेक्‍याई मुला धी़ तुङ-तुङ च्‍यीक ॱनेगीलाक। मी़नाकगी वाङ होकदु ॱमीछी़येला, हो़ हो़ती घाङलाराङ थारा झ्‍यी। मी़नाकगी नाङला डोगीनगी़ घारु डोगीनगो ॱमेस्‍येलालाक।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 9:4

ङाला ॱङाक्‍कीनगी क्षाक्‍ले दे, ङीङमो हो़ती घाङलाराङ झ्‍यीघो़। छेन स्‍यारकीन धी़ला सी़या लेगा झ्‍यी ॱमीथुप।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 13:27

हीना येरुसालेमदु धेगीनक्‍या धाङ खुङक्‍याई पो़न्‍पोक्‍याई येशुला क्‍याम्‍गो़नगो लाक ॱनेरी ङो ॱमास्‍येवालाक। ॱङो़नस्‍येखेनक्‍याई क्षो़ठीमला ढीक्‍टा लाब धाम्‍पे ङासुगीन ङीमाला च्‍योई ढोक्‍कीन झ्‍येरीया, खुङक्‍याई ॱहामाघोरपालाक। येशुला सेये छेपा तेरती खुङक्‍याई क्षो़ठीमला, खोङबागी कोरला ढीक्‍टा लाबगो डुप्‍पालाक।