लुका 13:19 - ॱलोवा

¹⁹ होदे मी च्‍यीकगी राङगी दुम्‍रारु ताप्‍कीन, छुकगी साङा च्‍योक्‍रे लाक। होदे छारती दोङबो च्‍यीक झ्‍युवालाक धेनी ॱनामगी झ्‍याक्‍याई, होदेगी याकाक्‍या खाला छाङक्‍या शो़वालाक।”

लुका 13:19 Iomraidhean Croise

मेथा 17:20

खोङबागी खुङक्‍याला सुवालाक, “खीकी धेपा च्‍युङराक्‍ती लाक। ङा खेक्‍याला धेन्‍पाराङ ॱनाहीन, खेक्‍याला छुकगी ढीउ चो़ धेपा हो़ना, खेक्‍याई दे री देला, ‘देने हुरु पो़री सोङ।’ ॱनाना होदे पो़गीलाक। धेनी खेक्‍याई झ्‍यी ॱमीथुप्‍कीन घीया मेयोङगीलाक।

मारकु 4:30

येशुगी धोराङा सुवालाक, “को़न्‍क्षोकगी ग्‍यासी दे, होराङ घीमुला दुरये याङमेना पे घारे च्‍यीकगी ढेस्‍ये ग्‍याप्‍ये?

लुका 17:6

धेनी चोवोगी सुवालाक, “खेक्‍याला छुकगी ढीउ चो़ धेपा तीते च्‍यीक हो़ना, खेक्‍याई दे होशेगी दोङबोला ‘खेरी चावाने घोक्‍ते ग्‍याछो नाङदु च्‍युक’ ॱनेरी ॱनाना होदेगी ख्‍यी़ खाला ङेन्‍गीलाक।”

जेपा 2:41

मी ॱमीच्‍यीकी माङागी पेटोगी ॱनेना लाबला यीच्‍चे झ्‍येवालाक धेनी ठी़सो़ लेन्‍बालाक। धेनी होदे ङीमागो मी तोङ सुम चो़, खुङक्‍याई ढाङगाला दोम्‍बालाक।

जेपा 21:20

पाउलुगी लाबला ङेन्‍दी खुङक्‍याई को़न्‍क्षोकला तो़टा पुवालाक। धेनी खुङक्‍याई खोला ॱनेवालाक, “पी़नक्‍याओ, दुरुवा याहुदापाक्‍याने मी तोङठाकगी चोवोला धेपा झ्‍येरी, मोशेगी ॱनाङना क्षो़ठीमला ॱमीच्‍यीकी हुरा झ्‍येरी चीरी धेदुक।

जेपा 4:4

हीना होदे कुछाप ॱङीउगी का ङेन्‍गीनक्‍याने, मी माङक्षेगी धेपा झ्‍येवालाक धेनी धेपा झ्‍यीगीन मीक्‍याई ढाङगा माङदु सोरी, तोङ ॱङा चो़ झ्‍युवालाक।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”