लुका 12:9 - ॱलोवा

⁹ हीना मीक्‍याई दोङदु ङाला खे मेलेन्‍गीनक्‍याला, नाम्‍खे भाङछेनक्‍याई दोङदु खे मेलेन्‍गीलाक।

लुका 12:9 Iomraidhean Croise

मेथा 10:33

हीना मीगी दोङदु ङाला खे मेलेन्‍गीनक्‍याला, नाम्‍खे श्‍यीङखामदु श्‍युक्‍कीन ङी यापगी दोङदु ङा खेमेलेन।”

मेथा 25:12

हीना माक्‍पागी़ ॱनेवालाक, ‘ङा धेन्‍पाराङ खेक्‍याला ॱनाहीन, ङा खेक्‍याला ॱमेस्‍येहो़क।’”

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 7:23

धेनी ङा खुङक्‍याला सावो ॱनायेहीन, ‘ङी खेक्‍याला नामा ङो ॱमास्‍ये। खे ङेन्‍पा लेगा झ्‍यीगीनक्‍या ङाने ॱहाला सोङ।’

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 22:57

हीना पेटोगी देरे ॱनेवालाक, “भोमो, ङा खोङला ङो ॱमेस्‍येहो़क।”

लुका 9:26

घीझ्‍येरी ॱनाना ङा धाङ ङी काला ङोजा झ्‍यीगीनगोला, मी-भु खोरी शीजे धाङ यापगी शीजे धाङ धाम्‍पे भाङछेनक्‍याई शीजेला फेई घाङला खी़या ङोजा झ्‍यीगीलाक।

२ तीमोथेउ 2:12

होराङ तेन्‍पो ॱनेती धेना, खोङबा मुलाराङ ग्‍यासीगी वाङ झ्‍यीगीलाक। होरी खोङबाला ग्‍याप ॱलोक्‍ना, खोङबागीया होराङला ग्‍याप ॱलोक्‍वा जेगीलाक।

१ योहान्‍ना 2:23

सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।

ॱङो़न्‍पा 3:8

ख्‍यी़ लेगाक्‍या ङाला स्‍येयेहो़क। तो़दाङ, ख्‍यी़ दोङदु सी़याः ग्‍याप ॱमीथुक्‍कीन, घो ङी पेरी श्‍याक हो़क। धेनी ख्‍यो़ला तोपस्‍युक च्‍यीमे हो़गीनगो ङाला स्‍येयेहो़क। घीहीन्‍ना ख्‍यी़ ङी कागो ॱरुङदुक धेनी ङी मीङ ॱमापादुक।