लुका 12:45 - ॱलोवा

⁴⁵ हीना ‘ङी दाक्‍पोगो हुङयेला घोरकीलाक’ ॱनेरी साम्‍दी श्‍येम्‍मा ॱयोक्‍पो-ॱयोक्‍मोक्‍याला दुङये गो चुक्‍ती धेनी खोराङ शा-थुङ झ्‍येरी शीरी धेना,

लुका 12:45 Iomraidhean Croise

मेथा 22:6

धेनी मी श्‍येम्‍माक्‍याई खी़ ॱयोक्‍पोक्‍याला शीम्‍दी ङोजा पाप्‍ती सेपालाक।

लुका 12:44

ङा धेन्‍पाराङ खेक्‍याला ॱनाहीन, दाक्‍पोगी़ राङगी ग्‍युनोर घीरीगी खाला खोला आङजा तेरकीलाक।

लुका 12:46

होदेगी ॱमासाम्‍गीन ङीमा धाङ ॱहामाघोगीन धी़चो़ला दाक्‍पो हुङगीलाक। धेनी खोला दुबु-दुबुला तुप्‍ती, धेपा मीझ्‍यीगीन मीक्‍यामुला ॱयुक्‍कीलाक।

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

योहान्‍ना 2:10

ॱनेवालाक, “मी घीरी एन्‍ला घुन्‍क्षाङ शाङागो तालाक धेनी मीक्‍या शीछाना घुन्‍क्षाङ फावागो तालाक। हीना ख्‍यी़ घुन्‍क्षाङ शाङागो धान्‍दा थुक्‍पे श्‍याक्‍दुक।”

जेपा 2:18

होदे ङीमाक्‍याला ङाला श्‍याप्‍तोक पुगीन, केवे-फो धाङ मोक्‍या खाला, ङी थुक्‍ङी तेरयेहीन, धेनी खुङक्‍याई ॱङो़न स्‍येगीलाक।

रोमापा 16:18

घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

२ कोरीन्‍थुपा 11:20

घीझ्‍येरी ॱनाना मीक्‍याई खेक्‍याला ॱयोक्‍पो शो़ना याङना खेक्‍याला हो़गीन घीरी ठोक्‍ना याङना खेक्‍याने खेब्‍साङ लेन्‍ना याङना खेक्‍याला ॱङ्याप्‍चो़ स्‍येना याङना खीकी डाबाला डाम्‍चा श्‍युरनाः, खेक्‍या शो़पा झ्‍यीदीक।

१ थेसालोनीकेपा 5:7

घीझ्‍येरी ॱनाना ॱङी लोक्‍कीनक्‍या छेमु ङ्यालालाक धेनी थुरी शीगीनक्‍या छेमुराङ शीलालाक।

२ पेटो 2:13

खुङक्‍याई श्‍येम्‍माला ॱनो़ क्‍यारी, होदेगी छापला राङलाः ॱनो़ फोक्‍कीलाक। धेनी खुङक्‍याई क्षीदु कीपो ताङयेगो, ङीङमोराङ छो़ मीशीम्‍दा शा-थुङ झ्‍येरी धेये लाक। खुङक्‍या खीकीमुला डो़नला शामा शी घाङलाः, मीला गोकोर ताङयेला घालालाक। खुङक्‍या नी, खेक्‍याला ङोजा खेरती हुङगीन क्‍यो़न च्‍योक्‍रे लाक।

२ पेटो 2:19

धेनी खुङक्‍याला राङवाङ तेरयेगी धाम्‍चा श्‍याक्‍नाः, हीना ॱलोपो़न शोक्‍पो खोराङक्‍या राङ तोरस्‍यीक ताङगीन चो़पागी ॱयोक्‍पो लाक घीझ्‍येरी ॱनाना मी घीन्‍गी वाङ होकदु स्‍योरी, होदेगीराङ ॱयोक्‍पो झ्‍युङालाक।

ॱङो़न्‍पा 16:6

खुङक्‍याई खेराङगी धाम्‍पे मीक्‍या धाङ ॱङो़नस्‍येखेनक्‍याला सेसा झ्‍येरी, खेराङगी खुङक्‍याला ठाक थुङदु च्‍युक्‍पालाक। दे नी खुङक्‍याला झ्‍युङ घोयेराङ लाक।”

ॱङो़न्‍पा 18:24

धेनी ख्‍यी़ नाङदु ॱङो़नस्‍येखेनक्‍या धाङ धाम्‍पे मीक्‍याई ठाक, धाङ साश्‍यीदु सेसा मी घीरीगी ठाक ॱङेपालाक।”