लुका 12:42 - ॱलोवा

⁴² चोवोगी सुवालाक, “धा दाक्‍पोगी राङगी नाङमीक्‍याला धी़चो़ ताक-ताकला राङ-राङगी कादागी शामा तेरयेला को़का, ॱङेरपा ॱलो काथुप्‍कीन धाङ स्‍येरापचेनगो सुले?

लुका 12:42 Iomraidhean Croise

मेथा 13:52

धेनी खोङबागी खुङक्‍याला सुवालाक, “होझ्‍येरी नाम्‍खे ग्‍यासीगी क्षीला ॱलापच्‍या राक्‍कीन, क्षो़ठीमगी ॱलोपो़न घीरी नाङ च्‍यीकगी पो़न्‍पो च्‍योक्‍रे लाक। खी़ खोरी तेरने साबा धाङ ॱङीङबा नोरक्‍या तो़न्‍दालाक।”

मेथा 20:8

“धा घोमो झ्‍युङी घाङला, घुन्‍डुमगी दुम्‍रागी दाक्‍पोगी़ खोरी ॱङेरपाला भो़री ॱनेवालाक, ‘मीलाकक्‍याला भो़री, खुङक्‍याला स्‍याम्‍योकने गो चुक्‍ती, धाङपो थुक्‍पे ॱलाज्‍या तेर।’

लुका 12:43

दाक्‍पोगो लोक्‍ती हुङी घाङला, खी़ होदे झ्‍येरी धेगीनगो थुक्‍ना, होदे ॱयोक्‍पोगो झ्‍यीलाप क्षे लाक।

लुका 7:13

धेनी चोवो येशुगी मोला शीक्‍ती, खोङबागी सेम ॱङीङजेगी खारी मोला सुवालाक, “माङु।”

लुका 7:19

चोवोचारु देरे ॱनेरी झावालाक, “फेप्‍कुलाक ॱनागीनगो, खेराङ राङ हीने याङमेना हे श्‍येम्‍मा च्‍यीकला घुक्‍की़?”

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

१ तीमोथेउ 3:15

हीना ङा फी राक्‍ना, खीकी सो़न्‍पो को़न्‍क्षोकगी नाङला च्‍यो़पा घारे झ्‍यीघोयेगो, स्‍येला झ्‍यीयेगी क्षीला ढीक्‍पी। नाङ दे नी, सो़न्‍पो को़न्‍क्षोकगी क्षो़छोक धाङ धेन्‍पा ॱङीगी कावा धाङ ॱमाङस्‍यी हीन।

१ तीमोथेउ 5:17

क्षो़छोकगी गेम्‍पा तातोक घा झ्‍यीगीन धेनी ॱमीक्‍सेदु क्षो़ स्‍येये धाङ ॱलापच्‍या ॱलाप्‍कीन, लेगाला काल्‍ले ग्‍याप्‍कीन गेम्‍पाक्‍याला, कुरती दाप ॱङी थोप घोवालाक।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

तीतोस 1:7

क्षो़छोकगी गोठीगो को़न्‍क्षोकगी श्‍याप्‍ची झ्‍येरी, क्‍यो़न मेगीन हुङ घोगीलाक। खो दो़पा क्षे धाङ ॱना तुङा धाङ क्षाङदुवा धाङ ठुक्‍चारा धाङ आलेला, मेढाङा हुङये मेतालाक।

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।

ईब्‍रीपा 13:7

खेक्‍याला को़न्‍क्षोकगी का स्‍येगीन, खेरी गोठीक्‍याला ढेन्‍बा माझ्‍ये। खुङक्‍याई मीछेगी ढेबुला साम्‍लो तोङ धेनी खुङक्‍याई धेपागी पे लेन।

ईब्‍रीपा 3:5

धा मोशे नी को़न्‍क्षोकगी नाङमीमुला श्‍याप्‍चीपा च्‍योक्‍रे, ॱलोते छोक्‍पा हो़गीन झ्‍येरी, माउपारला को़न्‍क्षोकगी सुङये हीन्‍गीन कागी कोरला, खी़ पाङपो झ्‍येवालाक।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।