लुका 12:19 - ॱलोवा

¹⁹ धेनी ङा ङाराङला ॱनायेहीन, “लो ॱमीच्‍यीकी माङागी क्षीला, ख्‍यी़ ग्‍यु साक दुक। धा ल्‍हो़ झ्‍यी धेनी शा-थुङ, कीपो तोङ।”’

लुका 12:19 Iomraidhean Croise

लुका 12:18

धेनी होदेगी ॱनेवालाक, ‘ङा देरे झ्‍यीयेहीन। ङारी भाङखाङगो स्‍यीक्‍ती, होदेने क्षे शोयेहीन धेनी ङी लोदोक धाङ ग्‍युनोर घीरी होदुरु श्‍याक्‍येहीन।

लुका 16:19

याङ येशुगी सुवालाक, “श्‍याक्‍मो डाङी कीपो तारी घो़छेन धाङ थेरमागी घो़ घो़न्‍गीन, मी क्षुक्‍पु च्‍यीक हो़तालाक।

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

१ कोरीन्‍थुपा 15:32

धा जीक्‍तेन्‍पा मी च्‍योक्‍रे, एफीसुदु सेम्‍चेनक्‍या च्‍योक्‍रे मुला ङी थाप्‍कीनगोने, ङाला घी फेन्‍थोक्‍जो से? धा छीवाने सो़न्‍पो झ्‍युङये मेन्‍ना, “होराङ शा-थुङ झ्‍यीदु, घीझ्‍येरी ॱनाना ॱङेटो नी होराङ स्‍यीगुलाक।”

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

१ तीमोथेउ 5:6

हीना युक्‍जामा दे दो़यो़नला क्षाक्‍ना, मो सो़न्‍पो झ्‍येरीया स्‍यीस्‍या च्‍योक्‍रे लाक।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

२ तीमोथेउ 3:4

धेनी ङोलोक्‍चेन धाङ साम्‍लो ॱमेथोङगीन, ङागेलगी खाङखा धाङ को़न्‍क्षोकले ल्‍हाक दो़यो़नला क्षाक्‍कीन,

याकोब 5:5

खेक्‍या जीक्‍तेनदु कीस्‍युरी ङ्याम तारी धेपालाक। धेनी सेये ङीमोगी क्षीदु खेक्‍या राङगी राङला ग्‍याक्‍वा शो़दुक।

१ पेटो 4:3

घीझ्‍येरी ॱनाना खेक्‍याई एम्‍मा धेपा मीझ्‍यीगीन मीक्‍या च्‍योक्‍रे, लोक्‍येम धाङ दो़क्षाक धाङ रा शीगीन धाङ क्षोमेगीन तेमो धाङ क्षाङ-आराकगी थुक्‍ठो़ धाङ आम्‍लोवा ल्‍हाकुन्‍डाला क्षो़गीन लेगाक्‍याला धी़चो़ माङा क्‍यावालाक।

ॱङो़न्‍पा 18:7

मी़ मोराङला शीजे ताङगीन धाङ दो़यो़नला धेगीन चो़जो़, मोला दुक्‍पु धाङ दुङा तेर। घीझ्‍येरी ॱनाना मी़ राङगी सेमला देरे ॱनालाक, ‘ङा ग्‍यामु झ्‍युरी धेहो़क। ङा युक्‍जामा मेन। ङा नामा दुक ॱरुङ घोगुमालाक।’