लुका 12:1 - ॱलोवा

¹ होदे घाङला मी तोङडाक माङा येशुचारु जोम्‍दी, च्‍यीकगी च्‍यीकला छाङगा ग्‍याप्‍ती, काङबी ॱलेये झ्‍येवालाक धेनी येशुगी एन्‍ला खोरी ङेनेक्‍याला सुवालाक, “फारुसीपाक्‍या खाने लाब च्‍यीक हीना लेगा श्‍येम्‍मा झ्‍यीगीन झ्‍येरी, देरे क्‍युरचीने शाप-शाप झ्‍येरी धो़क।

लुका 12:1 Iomraidhean Croise

लुका 11:44

“खेक्‍या ॱङ्याली! घीझ्‍येरी ॱनाना खेक्‍या ताक मेगीन रोखाङ च्‍योक्‍रे दुक धेनी मीक्‍याला स्‍येये मेता होदे खाने घोबा ग्‍यालाक।”

लुका 12:56

खे शोक्‍पोक्‍याओ, खेक्‍या ॱनाम धाङ साला तेरी ॱनामस्‍यी घारे हुङगीलाक ॱनेरी ॱना थुक्‍ना, धान्‍दागी धी़गी ताकक्‍या खेक्‍या घीझ्‍येरी ॱहामेघोराले?

लुका 5:1

ङीमा च्‍यीक, येशु गेन्‍नेसारेत छो डामदु श्‍युक हो़तालाक धेनी मीमाङक्‍या छाङगा ग्‍याप्‍ती, खोङबाला कोरती को़न्‍क्षोकगी का ङेन्‍दी धे हो़तालाक।

लुका 5:15

हीना येशुगी कोरला लाबक्‍या साजा घीरीला धोराङा माङा ढाम्‍बालाक धेनी मीछोक क्षे च्‍यीक खोङबाने कामो़न ङेन्‍ये धाङ नाजाने ढाक्‍येला येशुचारु जोम्‍बालाक।

लुका 6:17

धेनी येशु कुछापक्‍या मुला रीने माला फेप्‍ती, खोङबा थाङगा च्‍यीकरु श्‍येङदी श्‍युक्‍पालाक। होदुरु खोङबागी स्‍याबाला डागीन, मीछोक क्षे च्‍यीक धाङ युदेया युगी सा घीरीने धाङ येरुसालेम ग्‍याजाने धाङ ग्‍याछोगी थामाला हो़गीन, ताएर धाङ सीदोन ग्‍याजाने होवा मीछोक क्षे च्‍यीक होदुरु जोम हो़तालाक।

जेपा 21:20

पाउलुगी लाबला ङेन्‍दी खुङक्‍याई को़न्‍क्षोकला तो़टा पुवालाक। धेनी खुङक्‍याई खोला ॱनेवालाक, “पी़नक्‍याओ, दुरुवा याहुदापाक्‍याने मी तोङठाकगी चोवोला धेपा झ्‍येरी, मोशेगी ॱनाङना क्षो़ठीमला ॱमीच्‍यीकी हुरा झ्‍येरी चीरी धेदुक।

१ कोरीन्‍थुपा 15:3

घीझ्‍येरी ॱनाना ङाला थोप्‍था धाङपो गेक्षेस्‍योकगो, होदेरेराङला ङी खेक्‍याला स्‍येवी, दे नी सुङरापला ढीक्‍टा च्‍योक्‍रे मास्‍यीका होरी धीक्‍पागी क्षीदु ढोङा जेपालाक,

ईब्‍रीपा 12:22

हीना खेक्‍या सो़न्‍पो को़न्‍क्षोकगी ग्‍याजा, नाम्‍खे श्‍यीङखामगी येरुसालेम धेनी ढाङगा ॱमेथेगीन, नाम्‍खे भाङछेन तोङठाकगी घाटोगी छोक्‍दुरु, सीयोनगी रीला हो हो़तालाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।