लुका 11:9 - ॱलोवा

⁹ “होझ्‍येरी ङा खेक्‍याला ॱनाहीन, श्‍यी़ धेनी ख्‍यो़ला ॱनाङगीलाक। चो धेनी ख्‍यो़ला ॱङेगीलाक। घो दुङ धेनी ख्‍यी़ क्षीला पेगीलाक।

लुका 11:9 Iomraidhean Croise

मेथा 21:22

खेक्‍याला धेपा हो़ना, खीकी ॱमो़लामला घी श्‍यी़ली होदे थोप्‍कीलाक।”

मेथा 21:31

धा दे ॱङीउने आकी खाला सी़ ङेन्‍जो?” खुङक्‍याई ॱनेवालाक, “भीजा क्षेगी़।” येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, ठा धुगीनक्‍या धाङ श्‍याङचोङमाक्‍या, खेक्‍याने एन्‍ला को़न्‍क्षोकगी ग्‍यासीदु डुगीलाक।

मेथा 6:29

हीना ङा खेक्‍याला ॱनाहीन, ग्‍यावु सोलोमोन शीजे क्षेन्‍बो हीन्‍ना, दे मेन्‍तोकक्‍याने च्‍यीक च्‍योक्‍रे घोलाक जेवा घो़न माङ्युवालाक।

मारकु 11:24

होझ्‍येरी ङा खेक्‍याला ॱनाहीन, ॱमो़लामला खेक्‍याई घी ॱलाङगीनगो थोप्‍साहो़क ॱनेरी, धेपा झ्‍यी धेनी होदे ख्‍यो़ला थोप्‍कीलाक।

मारकु 13:37

खेक्‍याला ॱनागीन च्‍योक्‍रे ङा मी घीरीला ॱनाहीन, ॱङी मालोक्‍वा धो़क।”

लुका 11:10

घीझ्‍येरी ॱनाना श्‍युगीन घीरीला ॱनाङगीलाक, चागीन घीरीला ॱङेगीलाक धेनी घो दुङगीन घीरीगी क्षीला पेगीलाक।

योहान्‍ना 14:13

यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

२ कोरीन्‍थुपा 6:2

घीझ्‍येरी ॱनाना खोङबागी सुङालाक, “धी़ भावी घाङला, ङी खेक्‍याई श्‍योवा ङेन्‍बी, धेनी थारपे ङीमागोला ङी खेक्‍याला रोवा झ्‍येवी।” तो़दाङ, धी़ भाप्‍येगो धान्‍दा लाक धेनी थारपे ङीमागो धान्‍दा लाक।

ईब्‍रीपा 11:6

धेपा मेता को़न्‍क्षोकला थुक घेरु च्‍युक थुक्‍ये मेतालाक घीझ्‍येरी ॱनाना को़न्‍क्षोकगी डुङदु हुङगीनक्‍याई, को़न्‍क्षोक हो़गीन धाङ खोङला चागीनक्‍याला खोङबागी ज्‍यागा ॱनाङगीलाक ॱनेरी, यीच्‍चे झ्‍यीघो़।

ईब्‍रीपा 4:16

होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

याकोब 5:15

धेनी धेपे ॱमो़लामगी होदे नेपाला क्‍योप्‍कीलाक धेनी चोवोगी होदेला ढाक्‍सो़ ॱनाङगीलाक। धेनी खी़ धीक्‍पा झ्‍येहो़ना, खोला घोयाङ थोप्‍कीलाक।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।

ॱङो़न्‍पा 2:24

“हीना दे क्षो़ला ॱमीचीगीन धाङ धी़ सातानगी साङवा तीङरीङाक्‍या मेज्‍याङगीन, खे थीयातीरादु हो़गीन खेक्‍याला ॱनाहीन, ‘ङा खेक्‍याला खु श्‍येम्‍मा घीया कायेमेन।