लुका 11:41 - ॱलोवा

⁴¹ हीना नाङला हो़गीनगो उटेक्‍याला ज्‍यीम्‍बा तोङ धेनी ख्‍यी़ क्षीला घीरी चाङमा झ्‍युङगीलाक।”

लुका 11:41 Iomraidhean Croise

मेथा 26:11

घीझ्‍येरी ॱनाना उटेक्‍या च्‍योई खीकीमुला हुङालाक हीना ङा खेक्‍यामुला च्‍योई हुङगीमालाक।

मेथा 5:42

ख्‍यो़ने श्‍युगीनगोला तेर धेनी ख्‍यो़ने कीङी दो़गीनक्‍याने ग्‍याप ॱमालोक।

मारकु 7:19

घीझ्‍येरी ॱनाना होदे खी़ सेमला मेन्‍दा, फोवाला डोवालाक धेनी होदे फीला थो़न्‍दालाक।” (देरे सुरी येशुगी शामा घीरी चाङमा लाक सुरी सेटाक जेपालाक।)

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 16:9

ङा खेक्‍याला ॱनाहीन ख्‍यो़री क्षीला जीक्‍तेनगी ग्‍युनोर भो़चे झ्‍येरी रोवाक्‍या शो़ धेनी होदे ग्‍युक्‍या जोक्‍साना, खुङक्‍याई ख्‍यो़ला थामेगीन ॱनेसाला सुगीलाक।

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

लुका 19:8

हीना जाखाया लारी चोवोला श्‍यी़वालाक, “चोवो शीक्‍रोनाङ, ङा ङारी ग्‍युनोरने फेक उटेक्‍याला झ्‍यीम्‍बा ताङयेहीन धेनी मीक्‍याने गो कोरती ग्‍यु ॱली़ हो़ना, ङा होदेगी दाप श्‍यी ॱलोक्‍येहीन।”

जेपा 10:15

धेनी केकगी धाब्‍ले सुवालाक, “को़न्‍क्षोकगी चाङमा जेगीनला ख्‍यो़ ॱमेचाङा ॱनेरी ॱमाना।”

जेपा 11:29

होझ्‍येरी आन्‍तीयोकदु हो़गीन धेपा-झ्‍यीगीनक्‍याई, युदेयारु धेगीन पी़नक्‍याला रोवा झ्‍यीयेला, मीरी-मीरीने घी थुक्‍तु कुरये ढो़ झ्‍येवालाक।

जेपा 24:17

“लो घाजीङगी स्‍याम्‍ने, ङा येरुसालेमदु ङारी मीक्‍याला ज्‍यीम्‍बा ताङदु धाङ को़न्‍क्षोकला क्षो़पा पुयेला होवाहीन।

२ कोरीन्‍थुपा 8:12

घीझ्‍येरी ॱनाना श्‍यान्‍देप पुयेला दो़पा हो़ना, खेक्‍याला मेगीनगोने मेन्‍दा हीना हो़गीनगोने पुगीनगोला को़न्‍क्षोक थुक्‍ङेउ जेगीलाक।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

तीतोस 1:15

सेम चाङमा हो़गीनगी क्षीदु घीरी चाङमा हुङालाक हीना सेम ॱमेचाङा हो़गीन धाङ धेपा मीझ्‍यीगीनक्‍याई क्षीदु, घीन्‍दाङ चाङा मेयोङालाक घीझ्‍येरी ॱनाना खुङक्‍याई साम्‍लो धाङ सेमराङ मेढाङा हुङालाक।

ईब्‍रीपा 13:16

ले शाङा झ्‍यीये धाङ राङला हो़गीनगो, श्‍येम्‍माक्‍यामुला घो़येला ढेन्‍बा माजे घीझ्‍येरी ॱनाना देरे क्षो़पाक्‍याला राङ को़न्‍क्षोक थुक्‍ङेउ जेदालाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।