लुका 11:2 - ॱलोवा

² खोङबागी खुङक्‍याला सुवालाक, “खेक्‍या सोवा धेवी घाङला देरे श्‍यी़ ‘के याप, खेराङगी छेन धाम्‍पा ॱरुङवास्‍योक, खेराङगी ग्‍यासी हुङवास्‍योक।

लुका 11:2 Iomraidhean Croise

मेथा 10:32

“होझ्‍येरी मी दोङदु ङाला खेलेन्‍गीनक्‍याला, ङा नाम्‍खे श्‍यीङखामदु श्‍युक्‍कीन ङी यापगी दोङदु खेलेन झ्‍यीयेहीन।

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

लुका 11:1

श्‍याक्‍मो च्‍यीक, येशु साज्‍या च्‍यीकदु सोवा धेवी हो़तालाक। खोङबागी सोवा धेप सारती, ङेनेक्‍याने च्‍यीकगी खोङबाला श्‍यी़वालाक, “चोवो, ठी़सो़खेन योहान्‍नागी खोरी ङेनेक्‍याला ॱलाप्‍कीन च्‍योक्‍रे, हेक्‍यालाः सोवा धेप्‍येला ॱलाप्‍रोजे।”

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

१ कोरीन्‍थुपा 1:3

होरी याप को़न्‍क्षोक धाङ चोवो येशु मास्‍यीकागी थुक्‍जे धाङ श्‍यीदे खेक्‍याला थोप्‍पास्‍योक।

२ कोरीन्‍थुपा 1:2

होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

एफीसुपा 1:2

होरी याप को़न्‍क्षोक धाङ चोवो येशु मास्‍यीकाने थुक्‍जे धाङ श्‍यीदे, खेक्‍याला थोप्‍पास्‍योक।

फीलीप्‍पीपा 1:2

होरी याप को़न्‍क्षोक धाङ चोवो येशु मास्‍यीकाने, थुक्‍जे धाङ श्‍यीदे खेक्‍याला थोप्‍पास्‍योक।

फीलीप्‍पीपा 4:20

होरी को़न्‍क्षोक धाङ यापला, ग्‍युने ग्‍युन्‍दु शीजे हुङास्‍योक। आमेन।

कोलोसेपा 1:2

कोलोसे ग्‍याजारु हो़गीन मास्‍यीकाला ॱलो का थुप्‍कीन धाम्‍पे पी़नक्‍याला, होरी याप को़न्‍क्षोकने थुक्‍जे धाङ श्‍यीदे, खेक्‍याला थोप्‍पास्‍योक।

१ थेसालोनीकेपा 1:1

पाउलु धाङ सीलवानु धाङ तीमोथेउ सुमने, थेसालोनीकेरु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला, थुक्‍जे धाङ श्‍यीदे हुङास्‍योक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

२ थेसालोनीकेपा 2:16

धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 15:4

के चोवो, खेराङला जीक्‍टा सी़ मीझ्‍यीगीलाक से? धेनी खेराङगी छेनला सी़ तो़पा ॱमीपुगीलाक से? घीझ्‍येरी ॱनाना खेराङ च्‍यीगा धाम्‍पा हो़तालाक। धेनी मीरीक घीरी होरी खेराङला क्षाक्‍क्षो़पा पुगीलाक। घीझ्‍येरी ॱनाना खेराङगी ढाङतेनगी क्षाक्‍लेक्‍या ॱङो़न्‍दुक।”

ॱङो़न्‍पा 19:6

धेनी मीछोक क्षेगी केक च्‍योक्‍रे च्‍यीक, ग्‍युक्‍क्षुगी हुरडा धाङ डुक्‍डागी केक च्‍योक्‍रे च्‍यीकगी, देरे ॱनागीनगो ङी घोरजुङ, “हालेलुयाह! घीझ्‍येरी ॱनाना होरी चोवो को़न्‍क्षोक कुवाङगी ग्‍यासी क्‍योङा जेदालाक।

ॱङो़न्‍पा 20:4

धेनी ङी श्‍युक्‍ठीक्‍या धाङ ठीम्‍चो़ जेयेला आङजा थोप्‍था, होदे श्‍युक्‍ठी खाला श्‍युक्‍कीनक्‍या थोजुङ। धेनी येशुला धेन्‍पाङ झ्‍येजा धाङ को़न्‍क्षोकगी कागी दो़न्‍दु, गोवा चेचाक्‍याई सेम्‍ङीक्‍या ङी थोजुङ। खुङक्‍याई होदे सेम्‍चेन धाङ होदेगी कुला क्षाक्‍क्षो़पा ॱमापुवालाक धेनी होदेगी ताक टाल्‍ले याङना लाक्‍पाला माग्‍याप्‍पालाक। खुङक्‍या सो़न्‍पो झ्‍युवालाक धेनी मास्‍यीकामुला, खुङक्‍याई लो च्‍यीकतोङ थुक्‍पे वाङग्‍युर झ्‍येवालाक।