लुका 11:1 - ॱलोवा

¹ श्‍याक्‍मो च्‍यीक, येशु साज्‍या च्‍यीकदु सोवा धेवी हो़तालाक। खोङबागी सोवा धेप सारती, ङेनेक्‍याने च्‍यीकगी खोङबाला श्‍यी़वालाक, “चोवो, ठी़सो़खेन योहान्‍नागी खोरी ङेनेक्‍याला ॱलाप्‍कीन च्‍योक्‍रे, हेक्‍यालाः सोवा धेप्‍येला ॱलाप्‍रोजे।”

लुका 11:1 Iomraidhean Croise

लुका 10:42

हीना घो़गीनगो च्‍यीक च्‍यीगा लाक। मीरीयामगी लेगा शाङागो दाम दुक धेनी होदे मोने ठोक्‍की मालाक।”

लुका 11:2

खोङबागी खुङक्‍याला सुवालाक, “खेक्‍या सोवा धेवी घाङला देरे श्‍यी़ ‘के याप, खेराङगी छेन धाम्‍पा ॱरुङवास्‍योक, खेराङगी ग्‍यासी हुङवास्‍योक।

लुका 6:12

ङीमा च्‍यीक येशु री स्‍योकला फेप्‍ती, होदुरु छेन्‍घाङ को़न्‍क्षोकला सोवा ताप्‍ती श्‍युक्‍पालाक।

लुका 7:13

धेनी चोवो येशुगी मोला शीक्‍ती, खोङबागी सेम ॱङीङजेगी खारी मोला सुवालाक, “माङु।”

लुका 7:19

चोवोचारु देरे ॱनेरी झावालाक, “फेप्‍कुलाक ॱनागीनगो, खेराङ राङ हीने याङमेना हे श्‍येम्‍मा च्‍यीकला घुक्‍की़?”

लुका 9:18

ङीमा च्‍यीक येशु खोङबा च्‍यीगा सोवा धेबी घाङला, ङेनेक्‍या खोङबामुला हो़तालाक धेनी खोङबागी खुङक्‍याला ढीवा जेपालाक, “मीछोकक्‍याई ङाला सु लाक ॱनीओ?”

लुका 9:28

येशुगी देक्‍या सुङसारती श्‍याक्‍मो ग्‍ये स्‍याम्‍ने, खोङबागी पेटो धाङ योहान्‍ना धाङ याकोबला राङमुला ठीया जेदी, रीला सोवा ग्‍याप्‍तु फेप्‍पालाक।

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।