लुका 10:42 - ॱलोवा

⁴² हीना घो़गीनगो च्‍यीक च्‍यीगा लाक। मीरीयामगी लेगा शाङागो दाम दुक धेनी होदे मोने ठोक्‍की मालाक।”

लुका 10:42 Iomraidhean Croise

मारकु 8:36

मी च्‍यीकला जीक्‍तेन घीरी थोप्‍नाः, राङगी ॱरोकगो स्‍योरना घी फेन थोक्‍ये?

लुका 10:39

मोला मीरीयाम ॱनागीन नुमो च्‍यीक हो़तालाक। मीरीयाम चोवोगी श्‍याप डामदु धेदी, खोङबागी कालोप ङेन्‍दी धे हो़तालाक।

लुका 11:1

श्‍याक्‍मो च्‍यीक, येशु साज्‍या च्‍यीकदु सोवा धेवी हो़तालाक। खोङबागी सोवा धेप सारती, ङेनेक्‍याने च्‍यीकगी खोङबाला श्‍यी़वालाक, “चोवो, ठी़सो़खेन योहान्‍नागी खोरी ङेनेक्‍याला ॱलाप्‍कीन च्‍योक्‍रे, हेक्‍यालाः सोवा धेप्‍येला ॱलाप्‍रोजे।”

लुका 12:20

“हीना को़न्‍क्षोकगी होदेला सुवालाक, ‘ॱलेन्‍पो ख्‍यो़! धीरीङ छेमुराङ ख्‍यी़ छेसोक ख्‍यो़ने लेन्‍गीलाक धेनी ख्‍यी़ स्‍याम्‍दी श्‍याकश्‍या ग्‍युक्‍याई दाक्‍पो सु झ्‍युङगीले?’”

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 16:2

धेनी खी़ ॱङेरपागोला भो़री ॱनेवालाक, ‘ख्‍यी़ कोरला ङी घोरकीन दे घी ले? ख्‍यी़ लेगा झ्‍येजागी चीगो ङाला तेर घीझ्‍येरी ॱनाना धीरीङने ॱहाला, ख्‍यो़ ङी ॱङेरपा झ्‍युङगुमालाक।’

लुका 16:25

हीना आब्‍राहामगी सुवालाक, ‘भीजाओ, ख्‍यो़ सो़न्‍पो हो़ती घाङला शाङा थोप्‍कीन धाङ लाजारला दुक्‍पु थोप्‍कीनगो ढेन्‍सो़ झ्‍यी। हीना धान्‍दा खोला दुरु कीपो दुक धेनी ख्‍यो़ला दुक्‍पु दुक।

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

लुका 8:18

होझ्‍येरी खेक्‍याई घी ङेन्‍गीनगोला, शाप-शाप झ्‍यी घीझ्‍येरी ॱनाना हो़गीनगोला ॱयोल्‍ले माङा तेरकीलाक धेनी मेगीनगोला, खोला घी हो़क ॱनेरी साम्‍गीनगोवा, खोने ठोक्‍कीलाक।”

योहान्‍ना 11:1

लाजार ॱनागीन, मी नेपा च्‍यीक हो़तालाक। खो बेथानी युरु, खोरी ईजी मीरीयाम धाङ मारथामुला धेदालाक।

योहान्‍ना 11:19

धेनी याहुदापा मी माङा लाजार ढोङरी, खी़ ईजी मारथा धाङ मीरीयाम ॱङीउला सेम्‍सो पारतु होवालाक।

योहान्‍ना 12:3

मीरीयामगी पाङपो़ने शो़सा ढीस्‍यीम घोङ क्षे भुम्‍पा गाङ, येशुगी श्‍यापला ॱलुक्‍पालाक। धेनी मोरी ॱरागी खोङबागी श्‍याप फीवालाक। धा नाङ घीरी पाङपो़ ढीस्‍यीमगी खावालाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

१ कोरीन्‍थुपा 13:3

धेनी ङाला हो़गीन घीरी झ्‍यीम्‍बा ताङना धेनी ङी ली़ राङ सो़न्‍पो ॱराक्‍येला तेरनाः, हीना ङी नाङ झाम्‍पा मेना ङाला फेन्‍थोक्‍ये घीया मेक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।