लुका 10:40 - ॱलोवा

⁴⁰ हीना मारथा श्‍याप्‍ची श्‍युये लेगाला गो यारी धे हो़तालाक। धेनी मो येशुचारु च्‍यारती श्‍यी़वालाक, “चोवो, ङी नुमोगी ङा च्‍यीगा लेगा झ्‍यीयेला भोरती श्‍याक्‍कीनगो, खेराङ मीशीयाले? ङाला रोवा झ्‍यीयेला मोला का ॱनाङरो ॱनाङ।”

लुका 10:40 Iomraidhean Croise

मेथा 14:15

धा घोमो छाक्‍ती ङेनेक्‍या, खोङबागी दोङदु च्‍यारती श्‍यी़वालाक, “साजा दे एन्‍दा च्‍यीक लाक धेनी ङीमा येसादुक। मीछोक देक्‍याला राङ-राङला शामा ङ्योयेला युक्‍याला झाङरो जे।”

मेथा 16:22

धेनी पेटोगी खोङबाला शुरला ठीक्‍ती, आङजी तारी ॱनेवालाक, “चोवो, देरे चावाने माझ्‍युङास्‍योक! खेराङला देरे झ्‍युङगीमालाक।”

मारकु 3:21

मीक्‍याई खोङबा ॱङ्योदुक ॱनागीनगो, खोङबागी नाङमीक्‍याई घोरती खुङक्‍या खोङबाला लेन्‍दु होवालाक।

लुका 10:38

धा येशु धाङ खोङबागी ङेनेक्‍या फेई घाङला, खोङबाक्‍या यु च्‍यीक नाङदु फेप्‍पालाक। धेनी मारथा ॱनागीन केमी च्‍यीकगी, खोङबाला मोरी नाङदु फेप्‍सु श्‍यी़वालाक।

लुका 10:41

हीना येशुगी मोला लेन जेपालाक, “मारथा, मारथा! ख्‍यो़ लेगा माङागी कोरला सेम्‍डा धाङ खोङडो झ्‍यीदी।

लुका 12:29

घी शाये याङना घी थुङये ॱनेरी, खेक्‍या चारी माधेक धेनी दुङा माझ्‍यी।

लुका 9:55

हीना खोङबागी खुङक्‍या स्‍योकला शीक्‍ती काको़न जेपालाक।

योहान्‍ना 11:1

लाजार ॱनागीन, मी नेपा च्‍यीक हो़तालाक। खो बेथानी युरु, खोरी ईजी मीरीयाम धाङ मारथामुला धेदालाक।

योहान्‍ना 11:5

येशुगी मारथा धाङ मी़ नुमो धाङ लाजारला चेवा जेदालाक।

योहान्‍ना 12:2

खुङक्‍याई येशुगी क्षीला घोमो श्‍येलाक स्‍याम्‍पालाक। मारथागी श्‍याप्‍ची श्‍युवालाक। धेनी लाजारगोवा येशुमुला श्‍येलाक श्‍येगीनक्‍याने च्‍यीक लाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”