लुका 10:22 - ॱलोवा

²² “ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

लुका 10:22 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 13:3

येशुगी यापगी दो़न घीरी, खोङगी लाकला ॱनाङ हो़गीन धाङ को़न्‍क्षोकने होवा धाङ को़न्‍क्षोकगी डुङदु लोकग्‍यु हीन्‍गीनगो खेन्‍बालाक।

योहान्‍ना 17:10

ङी हीन्‍गीन घीरी खेराङगी हीन धेनी खेराङगी हीन्‍गीन घीरी ङी हीन। खुङक्‍याई नाङ ङा शीजेला ॱङो़म्‍पाहीन।

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

योहान्‍ना 17:26

खेराङगी ङाला जेगीन चेवा दे, खुङक्‍याई नाङ ॱनेये धाङ ङा खुङक्‍या नाङ ॱनेयेगी क्षीदु, ङी खेराङगी छेन खुङक्‍याला ॱङो़न्‍दु च्‍युकहो़क धेनी देरे झ्‍येरी च्‍योई ॱङो़न्‍दु च्‍युक्‍येहीन।”

योहान्‍ना 17:5

धा के याप, जीक्‍तेन ॱमाको़ एन्‍ला ङा खेराङमुला हो़ती घाङला, हो़गीन शीजेराङ धान्‍दा खेराङगी डुङदु ङाला ॱङो़न्‍दा जे।

योहान्‍ना 3:35

यापगी सेला झाम्‍पा जेदी, घीरी सेगी क्षाकदु ॱनावालाक।

१ कोरीन्‍थुपा 15:24

धेनी खोङगी वाङ झ्‍यीगीन धाङ आङजा ॱना घीरी धाङ नी़थु घीरीला मेताला जेसारती, धेनी याप को़न्‍क्षोकला ग्‍यासीगो पुली घाङला, थामे धी़गो ॱलेप्‍कीलाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

एफीसुपा 1:21

धेनी खोङबागी मास्‍यीकाला ठीम धाङ वाङ धेनी नी़थु धाङ ग्‍यासी घीरी धेनी दे धी़रापगी च्‍यीगा मेन्‍दा, माउपारगी धी़रापला हुङगीन छेन घीरीले थो़स्‍योक को़ जेपालाक।

ईब्‍रीपा 2:8

धेनी दो़न घीरी खेराङगी, खी़ काङबी होकदु श्‍याक जेपालाक।” धेनी को़न्‍क्षोकगी दो़न घीरी खोङगी वाङ होकदु श्‍या जेदी, खोङगी वाङ होकला माश्‍याकस्‍या घीया मेक। हीना दो़न घीरी धान्‍दा खोङगी वाङ होकदु हो़गीनगो, होरी ॱमेथोङालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।