लुका 1:78 - ॱलोवा

⁷⁸ होरी को़न्‍क्षोकगी झाम ॱङीङजेगी झ्‍येरी, खोङबागी थारवे हो़क नाम्‍खे श्‍यीङखामने ताङा जेगीलाक,

लुका 1:78 Iomraidhean Croise

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

फीलीप्‍पीपा 1:8

मास्‍यीका येशुगी झाम्‍पागी थोक्‍ने, ङा खेक्‍याला ॱमीच्‍यीकी थुक्‍ङी दो़दीक। धेनी देला को़न्‍क्षोकगी ङाला धेन्‍पाङ जेदालाक।

फीलीप्‍पीपा 2:1

होझ्‍येरी मास्‍यीकागी नाङ खेक्‍याला सेमस्‍युक रे हो़ना, झाम्‍पे सेम्‍सो रे हो़ना धेनी धाम्‍पे थुक्‍ङीगी थी़न्‍डील हो़ना धेनी झाम धाङ ॱङीङजे हो़ना,

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

२ पेटो 1:19

धेनी होरीमुला हो़गीन ॱङो़नस्‍येखेनक्‍याई का धेन्‍पा हीन्‍गीनगो, हेक्‍या ॱयोल्‍ले तेन्‍पो झ्‍युजुङ। धेनी ॱनाम शारा-शीरी माझ्‍युङगीन धाङ खीकी सेम नाङदु ॱङारोकगी कारमा ॱमास्‍यारकीन थुक्‍पे, मी़नाकगी नाङला भारती धेगीन क्‍युङ च्‍योक्‍रे, खेक्‍यागीयाः दे का देला दो़नाङ झ्‍यीना घा हुङगीलाक।

१ योहान्‍ना 3:17

जीक्‍तेन दी ग्‍युनोर हो़गीन मी च्‍यीकगी, राङगी पी़न च्‍यीकला घो़गीनगो थोङाराङ खोला ॱङीङजे ॱमेकेना, को़न्‍क्षोकगी झाम्‍पा खी़ नाङ घाङगी झ्‍येरी ॱने थुक्‍कीले?

ॱङो़न्‍पा 22:16

“क्षो़छोकक्‍याला दे पाङपोक्‍या झ्‍यीयेला, ङा येशुगी राङगी भाङछेन ख्‍यो़चारु झाहो़क। ङा नी दावीदगी चावा धाङ ग्‍युपा हीन, धेनी थोराङगी कारछेनगो ङा हीन।”