लुका 1:76 - ॱलोवा

^76-77 “धेनी ङी भु ख्‍यो़ ॱलानामेपे को़न्‍क्षोकगी ॱङो़नस्‍येखेन ॱनेरी भो़गीलाक, घीझ्‍येरी ॱनाना ख्‍यो़ चोवोगी फेप लाम डाढीक झ्‍यीये, धाङ खोङबागी मीक्‍याला खुङक्‍याई धीक्‍पा सेल्‍दी, होदे थोक्‍ने थारपागी स्‍येराप ॱनाङयेला, ख्‍यो़ चोवो फेप्‍ये एन्‍ला डुगीलाक।

लुका 1:76 Iomraidhean Croise

मेथा 14:5

हेरोदेगी योहान्‍नाला सेङी दो़पालाक हीना खो मीमाङला जीक्‍पालाक घीझ्‍येरी ॱनाना मीक्‍याई योहान्‍नाला ॱङो़नस्‍येखेन च्‍यीक चीलालाक।

मेथा 21:26

हीना मीने झ्‍युवालाक ॱनेरी ॱनाना, मी घीरीगी योहान्‍नाला ॱङो़नस्‍येखेन लाक ॱनेरी चीरी, होराङ मीछोकला जीयालाक।”

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

मेथा 3:3

ॱङो़नस्‍येखेन यस्‍यायागी देरे सुङगीन, दे नी योहान्‍नागी कोरला लाक, “रीतोङदु भो़गीन केक च्‍यीक, ‘चोवोगी फेप्‍लाम डाढीक झ्‍यी। खोङबागी फेप्‍लाम दे खाप्‍ते शो़।’”

मारकु 11:32

मीने लाक ॱनेरी घाङ झ्‍येरी ॱनाये।” घीझ्‍येरी ॱनाना मी घीरीगी योहान्‍ना ॱङो़नस्‍येखेन च्‍यीक लाक ॱनेरी, धेपा झ्‍यीदालाक होझ्‍येरी खुङक्‍या मीक्‍याला जीक्‍पालाक।

लुका 1:32

खोङबा ॱमीच्‍यीकी खाक्‍क्षे हुङगीलाक धेनी ॱलानामेपे चोवो को़न्‍क्षोकगी से ॱनेरी श्‍यी़गीलाक। धेनी चोवो को़न्‍क्षोकगी खोङबाला खोङबागी याप दावीदगी श्‍युक्‍ठी ॱनाङगीलाक।

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

योहान्‍ना 1:23

योहान्‍नागी ॱनेवालाक, “ॱङो़नस्‍येखेन यस्‍यायागी सुङगीन, ‘रीतोङदु भो़गीन च्‍यीकगी केक, चोवोगी फेप्‍लाम खाप्‍ते शो़।’ ॱनेरी ॱनागीन केकगो ङा हीन।”

योहान्‍ना 1:27

ङी स्‍याम्‍ला फेप्‍कीनगो, खोङबाराङ लाक। धेनी ङा खोङबागी श्‍याप्‍हामगी डुतोक टोरीन खाये मेक।”

योहान्‍ना 3:28

‘ङा नी मास्‍यीका मेन हीना मास्‍यीकाने एन्‍ला ॱङाक्‍पाहीन।’ ॱनेरी, ङी ॱनागीनगी पाङपो खेक्‍याराङ झ्‍यीदालाक।

जेपा 16:17

दे भोमो दे पाउलु धाङ हीकी स्‍याबाला डारी होरी देरे ॱनेरी फेरा ग्‍याप्‍पालाक, “दे मी देक्‍या थोस्‍योक को़न्‍क्षोकगी ॱयोक्‍पोक्‍या लाक। धेनी देक्‍या थारपा राक्‍येगी लाम्‍गागी कोरला खेक्‍याला स्‍येदालाक।”