लुका 1:6 - ॱलोवा

⁶ खुङ ॱङीगारा को़न्‍क्षोकगी डुङदु ढाङपो हो़तालाक धेनी को़न्‍क्षोकगी का धाङ ठीम घीरी, नोवा क्षुक्‍वा मीझ्‍यीदा चीलालाक।

लुका 1:6 Iomraidhean Croise

लुका 1:7

हीना खुङ ॱङीउला टुवा मेतालाक घीझ्‍येरी ॱनाना एलीसाबेत राप्‍चे लाक धेनी खुङ ॱङीगारा खा घेसा हो़तालाक।

लुका 16:15

खोङबागी होदेक्‍याला सुवालाक, “मीक्‍याई दोङदु राङला ढाङपो तो़न्‍गीनगो, खेराङक्‍याराङ लाक हीना को़न्‍क्षोकगी खीकी सेम खेन्‍दालाक। मीक्‍याई दोङदु थोवा चीगीनगो, को़न्‍क्षोकगी शीक्‍ताङला आम्‍लोवा हुङालाक।”

लुका 2:25

धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

जेपा 2:25

ग्‍यावु दावीदगीयाः खोङबागी कोरला देरे सुङ हो़तालाक, ‘ङी चोवोला च्‍योई ङी दोङदु थोङहो़क। खोङबा ङी लागा ये स्‍योकला श्‍युकहो़क, होझ्‍येरी ङा जीक घोये मेक।

जेपा 23:1

पाउलुगी छोक्‍दी़गी स्‍योकला स्‍यारी तेरी ॱनेवालाक, “पी़नक्‍याओ, धान्‍दा थुक्‍पे को़न्‍क्षोकगी दोङदु, ङी स्‍येशाङ चाङमागी गोने मीजी पीहो़क।”

जेपा 24:16

होझ्‍येरी ङा को़न्‍क्षोक धाङ मीक्‍या दोङदु नोन्‍डु मीझ्‍यीदा, सेम शाङपो झ्‍येरी धेयेगी स्‍युक झ्‍यीदीहो़क।”

जेपा 8:21

हीकी लेगाला ख्‍यो़ला थोप्‍ताङ घीन्‍दा मेतालाक घीझ्‍येरी ॱनाना को़न्‍क्षोकगी डुङदु ख्‍यी़ सेम ढाङपो मीदुक।

रोमापा 8:4

दे नी, होराङ धीक्‍पे राङश्‍यीला तेन्‍दी मेन्‍दा हीना धाम्‍पे थुक्‍ङीला तेन्‍दी छोवा क्‍यागीनक्‍याई, क्षो़ठीमगी ढाङपो चीगीनगो ताक-ताक झ्‍यीदास्‍योक ॱनेरी, को़न्‍क्षोकगी जेपालाक।

१ कोरीन्‍थुपा 11:2

दो़न घीरीला खेक्‍याई ङाला ढेन्‍दी धेनी ङी खेक्‍याला तेरता ॱलापच्‍याक्‍या खेक्‍याई ॱरुङगीनला, ङा खेक्‍याई तो़टा ताङाहीन।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

फीलीप्‍पीपा 2:15

धेनी खेक्‍या क्‍यो़न मेगीन धाङ चाङमा झ्‍युरी, दे मेढाङा धाङ दुकच्‍याक मीरापगी खोक्‍दु, क्‍यो़न मेगीन को़न्‍क्षोकगी से धाङ सेमो झ्‍युङास्‍योक। धेनी खेक्‍या जीक्‍तेनदु खुङक्‍या खोक्‍दु ॱनामगी कारमाक्‍या च्‍योक्‍रे स्‍यारती,

कोलोसेपा 1:22

हीना खोङगी डुङदु खेक्‍या धाम्‍पा धाङ क्‍यो़न मेगीन धाङ क्‍यो़न्‍जे मेगीन तो़न्‍येगी क्षीला, धान्‍दा मास्‍यीकागी कु ढोङगीनगी गोने, को़न्‍क्षोकगी खेक्‍याला राङमुला दोमा जेपालाक।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

१ योहान्‍ना 2:29

खोङ ढाङपो हीन्‍गीनगो खेक्‍याई ॱहाघोर हो़ना, ढाङपो झ्‍यीगीन घीरी खोङगी थोक्‍ने केवालाक ॱनेरी, खेक्‍याई ॱहाघोरालाक।

१ योहान्‍ना 2:3

धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।

१ योहान्‍ना 3:7

चेवे टुवाक्‍याओ, मी सी़या खेक्‍याला गो कोरतु ॱमाच्‍युक। खोङबा ढाङतेन हीन्‍गीन च्‍योक्‍रे, ढाङपो हीन्‍गीनगो झ्‍यीगीनराङ ढाङतेन लाक।