46 धेनी मीरीयामगी ॱनेवालाक, “ङी ॱङीङने चोवोला तो़टा,
देचो़ च्यीगा मेन्दा होरी चोवो येशु मास्यीकागी थोक्ने, होराङ धान्दा को़न्क्षोकमुला दुमा जेदी, खोङगी थोक्ने होराङ को़न्क्षोकगी नाङ घाटो झ्यीदालाक।
होझ्येरी देरे ढीक हो़तालाक, “ङोम्सो झ्यीगीनक्याई, चोवोगी खाला ङोम्सो झ्यीघो़।”
हीना मास्यीकागी नाङ होराङला च्योई ग्याखा थोप्येगी क्षीदु, ठीया जेगीन धाङ खोङबाला ङोस्येगीनगी ढीशाङगो, होरी थोक्ने छोक घीरीदु ख्याबा जेगीन, खोङ को़न्क्षोकला काटीन्क्षे श्यी़।
घीझ्येरी ॱनाना को़न्क्षोकला थुक्ङीने ॱङीङकुर झ्यीगीन धाङ मास्यीका येशुगी नाङ, ङोम्सो झ्यीगीन धेनी ली़ला क्षा मेश्याक्कीन होराङक्याराङ, धेन्पा पाउ चेगीनक्या लाक।
खेक्या चोवोला तेन्दी, नाम्हीना घाटो झ्यी। ङा धाब्ले ॱनाहीन, घाटो झ्यी।
धा श्यीदे को़न्क्षोकगीराङ खेक्या नाङ हो़गीन घीरी, धाम्पा जेदास्योक धेनी होरी चोवो येशु मास्यीका फेवी घाङला, खेक्याई सेम्ङी धाङ सेम धाङ ली़ घीरी क्यो़न मेगीन ॱरुङवास्योक।
खेक्याई खोङबाला ज्या माङ्युङ हो़ना, खोङला चेवा झ्यीदालाक। धेनी धान्दा खेक्याई खोङबाला मेज्यानाः, खेक्या खोङबाला धेपा झ्यीदालाक धेनी खेक्या स्ये ॱमीथुक्कीन धाङ शीजेगी खाङखा घाटो क्षे झ्यीदालाक।
