लुका 1:32 - ॱलोवा

³² खोङबा ॱमीच्‍यीकी खाक्‍क्षे हुङगीलाक धेनी ॱलानामेपे चोवो को़न्‍क्षोकगी से ॱनेरी श्‍यी़गीलाक। धेनी चोवो को़न्‍क्षोकगी खोङबाला खोङबागी याप दावीदगी श्‍युक्‍ठी ॱनाङगीलाक।

लुका 1:32 Iomraidhean Croise

मेथा 1:1

आब्‍राहामगी ग्‍युपा, ग्‍यावु दावीदगी ग्‍युपा, येशु मास्‍यीकागी दुङग्‍यु नी,

मेथा 12:42

ठीम चेगीन ङीमाला ल्‍हो स्‍योकगी स्‍येबा ग्‍याखापगी ग्‍यामु दे मीरापमुला लाङगीलाक धेनी देक्‍याला ठीम ताङगीलाक घीझ्‍येरी ॱनाना मो सोलोमोनगी स्‍येराप ङेन्‍येगी छीला जाम्‍बुलीङगी थाने होवालाक। धा तो़ दुरु, सोलोमोनने खाक्‍क्षे च्‍यीक दुक।”

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

मारकु 14:61

हीना येशुगी घीया ॱमासुवा कालेन ॱमानावालाक। याङ चो क्षो़पो़नगी खोङबाला ढीवालाक, “ख्‍यो़ नी झ्‍यीलापचेनगी से मास्‍यीकागो ले?”

मारकु 5:7

धेनी केक ग्‍याप्‍ती, खी़ ॱनेवालाक, “ॱलानामेपे को़न्‍क्षोकगी से येशु, ङाला खेकी ढेवा घी हो़ताले? ङा को़न्‍क्षोकला ॱना क्‍यारी श्‍योवा पुलाहीन, ङाला दुक्‍पु ताङा माजे।”

लुका 1:15

घीझ्‍येरी ॱनाना खो चोवो को़न्‍क्षोकगी कुम्‍दीनदु खाक्‍क्षे हुङगीलाक। धेनी खी़ घुन्‍क्षाङ याङना श्‍येम्‍मा क्षाङक्‍या थुङये मेतालाक धेनी खोरी आमागी फोवारु हो़ताराङ, खो धाम्‍पे थुक्‍ङीगी खाङगीलाक।

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 1:76

“धेनी ङी भु ख्‍यो़ ॱलानामेपे को़न्‍क्षोकगी ॱङो़नस्‍येखेन ॱनेरी भो़गीलाक, घीझ्‍येरी ॱनाना ख्‍यो़ चोवोगी फेप लाम डाढीक झ्‍यीये, धाङ खोङबागी मीक्‍याला खुङक्‍याई धीक्‍पा सेल्‍दी, होदे थोक्‍ने थारपागी स्‍येराप ॱनाङयेला, ख्‍यो़ चोवो फेप्‍ये एन्‍ला डुगीलाक।

लुका 3:16

धेनी योहान्‍नागी खुङ घीरीला ॱनेवालाक, “ङी खेक्‍याला क्षुगी ठी़सो़ तेरालाक। हीना ङाने वाङक्षे च्‍यीक फेई हो़तालाक धेनी ङा खोङबागी पोल्‍लेगी डुताक टोरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने ठी़सो़ ॱनाङगीलाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

योहान्‍ना 12:34

मीछोकगी श्‍यी़वालाक, “मास्‍यीकागो ग्‍युने ग्‍युन्‍दु ॱनेगीलाक ॱनेरी, हीकी क्षो़ठीमने घोरसोङ। मी-भु या फाक्‍कीलाक ॱनेरी खेराङगी घाङ झ्‍येरी सुङ थुक्‍वाले? मी-भु दे सुले?”

योहान्‍ना 6:69

धेनी खेराङ को़न्‍क्षोकगी धाम्‍पागो लाक ॱनेरी, हेक्‍या धेपा झ्‍यीदीहो़क धेनी दे हेक्‍याला स्‍येयेहो़क।”

जेपा 16:17

दे भोमो दे पाउलु धाङ हीकी स्‍याबाला डारी होरी देरे ॱनेरी फेरा ग्‍याप्‍पालाक, “दे मी देक्‍या थोस्‍योक को़न्‍क्षोकगी ॱयोक्‍पोक्‍या लाक। धेनी देक्‍या थारपा राक्‍येगी लाम्‍गागी कोरला खेक्‍याला स्‍येदालाक।”

जेपा 2:30

हीना दावीद ॱङो़नस्‍येखेन लाक धेनी खोङगी ग्‍युपाक्‍याने च्‍यीक, खोङगी श्‍युक्‍ठीला श्‍युक्‍कुलाक ॱनेरी, को़न्‍क्षोकगी जेजा धाम्‍चागो खोङला स्‍येये हो़तालाक।

जेपा 2:36

“होझ्‍येरी धा ईस्‍राएलगी मी घीरीगी दे लाब ॱहाघो घोगुलाक। खेराङक्‍याई ग्‍याङस्‍यीङदु सेसा येशुला राङ को़न्‍क्षोकगी, चोवो धाङ मास्‍यीका ङीगारा को़ जे हो़तालाक।”

जेपा 7:48

“हीना मीगी शो़सा क्षो़खाङदु ॱलानामेपे को़न्‍क्षोक श्‍युक्‍कीमालाक। ॱङो़नस्‍येखेनक्‍याई देरे सुङ हो़तालाक,

रोमापा 1:4

येशु मास्‍यीका होरी चोवो नी, छीवाने ॱलार सो़न्‍पो श्‍याङा जेदी, धाम्‍पे थुक्‍ङीगी गोने नी़थुगी नाङ को़न्‍क्षोकगी से को़वालाक।

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।