लुका 1:19 - ॱलोवा

¹⁹ नाम्‍खे भाङछेनगी खोला सुवालाक, “ङा को़न्‍क्षोकगी डुङदु लाङदी धेगीन गाबरीएल हीन। ख्‍यो़ला लाब ताङये धाङ दे ताम्‍शाङ दे स्‍येयेला ङाला झावालाक।

लुका 1:19 Iomraidhean Croise

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

लुका 1:20

ङी ॱनागीन लाब दे माडुप्‍कीन थुक्‍पे, ख्‍यो़ लाब ताङ ॱमीथुक्‍कीन झ्‍युङगीलाक धेनी लाब ताङ थुक्‍कीमालाक घीझ्‍येरी ॱनाना ङी ॱनेना लाब दे धी़चो़ तीक-तीकला डुप्‍कीलाक हीना ख्‍यी़ दे लाबला यीच्‍चे माझ्‍येजुङ।”

लुका 1:26

एलीसाबेतगी फोवाला टु हो़गीनगी दावा ढुक्‍पागोला को़न्‍क्षोकगी गाबरीएल ॱनागीन नाम्‍खे भाङछेनला, गालील ग्‍यारापगी नाजारेत ॱनागीन ग्‍याजारु, मीरीयाम ॱनागीन भोमो नाच्‍युङमा चारु झावालाक। मो दावीद ग्‍युपागी योसेफ ॱनागीन मी च्‍यीकमुला ॱनामाला ॱलारी श्‍याक हो़तालाक।

लुका 2:10

धेनी नाम्‍खे भाङछेनगी खुङक्‍याला सुवालाक, “खेक्‍या माजीक घीझ्‍येरी ॱनाना ङा खेक्‍याला मी घीरीगी क्षीदु ङ्यामो घारु च्‍युक्‍कीन, ताम्‍शाङ च्‍यीक खेरती होवाहीन।

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।