योहान्‍ना 9:39 - ॱलोवा

³⁹ येशुगी सुवालाक, “दे जीक्‍तेनदु ङा ठीम चेदु होवाहीन। श्‍याराक्‍याई थोङये धाङ थोङ थुयी साम्‍गीनक्‍याला श्‍यारा शोयेला, ङा होवाहीन।”

योहान्‍ना 9:39 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 15:14

खुङक्‍याला या माझ्‍यी, खुङक्‍या श्‍यारागी गोठी श्‍याराक्‍या लाक। धेनी श्‍यारा च्‍यीकगी श्‍याराला ठीक्‍ना, ॱङीगारा दोङ-दोङ नाङला ल्‍हीम्‍गीलाक।”

मेथा 6:23

हीना ख्‍यी़ ॱमीक घा मेना, ख्‍यी़ ली़ घीरी मी़नाकगी खाङगीलाक। होझ्‍येरी ख्‍यी़ नाङदु हो़गीन हो़ दे, मी़नाक्‍पा हो़ना होदे मी़नाक्‍पा दे घीन्‍गी छाप्‍क्षे ले।

लुका 1:79

धेनी मी़नाक्‍पा धाङ स्‍यीवे ढीम्‍जाकला धेगीनक्‍याला थारवे हो़क थोप्‍कीलाक, धेनी होराङला श्‍यीदेगी लामला ठीक्‍कीलाक।”

लुका 13:30

“तो़दाङ, एम्‍मा हीन्‍गीन रीङगा स्‍याम्‍मा झ्‍युङगीलाक धेनी स्‍याम्‍मा हीन्‍गीन रीङगा एम्‍मा झ्‍युङगीलाक।”

लुका 2:34

धेनी सीमेयोनगी खोङ ॱङीउला झ्‍यीलाप ॱनाङदी, भीजी आमा मीरीयामला ॱनेवालाक, “दे भीजा दे ईस्‍राएलदु मी माङाला जोक्‍तु च्‍युक्‍ये धाङ मी माङाला क्‍योप्‍येला, को़न्‍क्षोकगी दामा जेपालाक। धेनी ङोलोक झ्‍यीगीनगी ताकगी क्षीला दामा जेपालाक।

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

लुका 7:21

धेनी होदे घाङलाराङ येशुगी नाजाक्‍या धाङ शुकक्‍या धाङ ॱनो़पाक्‍या हो़गीन, मी माङाला चो़गा जेपालाक धेनी श्‍यारा माङाला थोङगीन जेपालाक।

योहान्‍ना 12:31

धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

योहान्‍ना 12:46

ङाला धेपा झ्‍यीगीनक्‍या मी़नाकगी नाङदु ॱमीली़येला, ङा हो़ झ्‍युरी जीक्‍तेनदु होवाहीन।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 3:19

धा ठीम्‍चो़गी दो़न्‍दाकगो देराङ लाक; हो़गो जीक्‍तेनदु फेप्‍सालाक हीना मीक्‍याई ले ङेन्‍पागी झ्‍येरी खुङक्‍याई हो़ले मी़नाकला घावालाक।

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

योहान्‍ना 8:15

खेक्‍या मीगी ङोला तेरी ठीम चेदालाक। हीना ङा सुलाः ठीम ॱमेचेहो़क।

योहान्‍ना 9:25

धेनी खी़ ॱनेवालाक, “खो धीक्‍चेन च्‍यीक हीन-मेन ङाला स्‍येयेमेक। ङी स्‍येये हो़गीनगो ङा एम्‍मा श्‍यारा हो़क धेनी धान्‍दा ङी थोङी।”

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

२ कोरीन्‍थुपा 2:16

ढीशाङ दे च्‍यीकगी क्षीला छीवे ढीमा ङेन्‍पा धाङ श्‍येम्‍मागी क्षीला छेगी ढीशाङ लाक। धा देरे लेगा सी़ झ्‍यी थुक्‍वाले?

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

२ थेसालोनीकेपा 2:10

धाङ थारपा ॱनाङगीन धेन्‍पाला खेमेलेन्‍गीन मेताला डुगीनक्‍याला, लेगा ङेन्‍पा ॱनाछोकगी गो कोरकीन ॱयो़क्‍यु झ्‍यीगीलाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

१ योहान्‍ना 2:11

हीना राङगी पी़नक्‍याला दाङा झ्‍यीगीनगो मी़नाक नाङला ॱनेलालाक धेनी मी़नाक नाङ खोरती धेतालाक। धेनी राङ घारु डुगीनगो ॱमेस्‍येलालाक घीझ्‍येरी ॱनाना मी़नाकगी खोला श्‍यारा शो़ हो़तालाक।