योहान्‍ना 9:34 - ॱलोवा

³⁴ खुङक्‍याई खोला ॱनेवालाक, “ख्‍यो़ केली घाङलाराङ धीक्‍चेन झ्‍येरीया, ख्‍यो़ हेक्‍याला ॱलापच्‍या ग्‍याले?” धेनी खुङक्‍याई खोला छोक्‍खाङने तो़न्‍दी झावालाक।

योहान्‍ना 9:34 Iomraidhean Croise

लुका 11:45

धेनी क्षो़ठीमगी ॱलोपो़न च्‍यीकगी खोङबाला श्‍यी़वालाक, “ॱलोपो़न ला, खेराङगी देक्‍या सुङा जेदी हेक्‍यालाः ॱमेटा पाबा जेदी।”

लुका 14:11

घीझ्‍येरी ॱनाना राङला थोरु ताङगीन घीरीला, ॱमावा जेगीलाक धेनी राङला ॱमारु ताङगीन घीरीला, थोवा जेगीलाक।”

लुका 18:17

ङा खेक्‍याला ॱङोन्‍ने ॱनाहीन, को़न्‍क्षोकगी ग्‍यासीला टुवा च्‍यीकगी च्‍योक्‍रे झ्‍येरी, खेमेलेन्‍गीन सुवाः होदे नाङदु नामाः मीजुगीलाक।”

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

योहान्‍ना 8:41

हीना खेक्‍या खेरी यापगी झ्‍यीगीन च्‍योक्‍रे झ्‍यीदालाक।” खुङक्‍याई खोङबाला ॱनेवालाक, “हेक्‍या ङ्यालुक मेन। को़न्‍क्षोकराङ हीकी याप च्‍यीगारागो हीन।”

योहान्‍ना 9:2

धेनी खोङबागी ङेनेक्‍याई खोङबाला श्‍यी़वालाक, “राब्‍बी, मी दे श्‍यारा केगीनगो, खी़ धीक्‍पा झ्‍येरी ले याङना खी़ फामी धीक्‍पा झ्‍येरी ले?”

योहान्‍ना 9:22

खी़ फामागी याहुदापा पो़न्‍पोक्‍याला जीक्‍ती देरे ॱनेवालाक। घीझ्‍येरी ॱनाना येशुला मास्‍यीका ॱनेरी खेलेन्‍गीनक्‍याला छोक्‍खाङने पी़दी जाङयेगी ढो़, याहुदापा पो़न्‍पोक्‍याई एन्‍लाराङ थाक च्‍यो़ हो़तालाक।

योहान्‍ना 9:35

याहुदापा पो़न्‍पोक्‍याई होदे मी श्‍यारागोला तो़न्‍दी झादुक ॱनेरी, येशुगी सेन्‍दा जेपालाक धेनी खोङबागी खोला चारी धेनी ॱङेदी सुवालाक, “ख्‍यो़ मी-भुला धेपा झ्‍यीदी हो़ते?”

योहान्‍ना 9:40

धेनी खोङबागी डामला हो़गीन फारुसीपा रीङगाक्‍याई दे घोरती खोङबाला श्‍यी़वालाक, “हेक्‍याः श्‍यारा लाक से?”

१ कोरीन्‍थुपा 5:13

फीदी मीगी ठीम को़न्‍क्षोकगीराङ जेगीलाक। “खेरी खोक्‍ने, मी ङेन्‍पाक्‍याला पी़दी झोङ।”

गालातीयापा 2:15

होराङ केने ॱहालाराङ याहुदापा झ्‍येरी “याहुदापा मेन्‍गीन मीरीक धीक्‍चेनक्‍या” ॱनागीन च्‍योक्‍रे मालाक।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

१ पेटो 5:5

दुक झ्‍येरीराङ, श्‍यो़न्‍पाक्‍याओ, गेम्‍पाक्‍याई होकला धो़क। खेक्‍या घीरी ॱङ्यामच्‍युङगी थोक्‍ने, च्‍यीकगी च्‍यीकला श्‍याप्‍ची श्‍यी़ घीझ्‍येरी ॱनाना, “को़न्‍क्षोकगी ङागेल क्षेक्‍याला ङोलोक जेदालाक, हीना ॱङ्यामच्‍युङक्‍याला थुक्‍जे जेदालाक।”

३ योहान्‍ना 1:10

होझ्‍येरी ङा हुङी घाङला, खी़ घी झ्‍यीगीन लेगाक्‍याई कोरला ङा लाब झ्‍यीयेहीन। खी़ हीकी कोरला, लाब ङेन्‍पाक्‍या स्‍येदीक। धेनी देला च्‍यीगा दो़पा ॱमाखाङा, खी़ श्‍येम्‍मा मास्‍यीकावा पी़नक्‍यालाः ॱनेचाङ ॱमेयारालाक धेनी ॱयारङी दो़गीनक्‍याला खी़ काः लाक धेनी खुङक्‍याला क्षो़छोकने पी़दी जाङालाक।

३ योहान्‍ना 1:9

ङी क्षो़छोकला यीक च्‍यीक ढीक्‍पालाक हीना राङला थोस्‍योक चीगीन दीयोटेरेफे ॱनागीन, मीगी हीकी वाङला या मीझ्‍यीदा।

ॱङो़न्‍पा 13:17

धेनी होदे ताक दे मेताला सी़या ङ्यो-चोङ झ्‍यी ॱमेछोक्‍वालाक। होदे ताकगो, होदे सेम्‍चेन धाङपोगी मीङ याङना होदेगी मीङगी ढाङगा लाक।