योहान्‍ना 9:31 - ॱलोवा

³¹ को़न्‍क्षोकगी धीक्‍चेनक्‍याई ॱमो़लाम ॱमेसेन्‍दालाक हीना खोङबाला ॱङीङकुर झ्‍यीगीन धाङ खोङबागी थुकोङ डुप्‍तु च्‍युक्‍कीनक्‍याला, खोङबागी सेन्‍दालाक ॱनेरी होराङक्‍याई स्‍येलालाक।

योहान्‍ना 9:31 Iomraidhean Croise

योहान्‍ना 11:22

हीना धान्‍दा खेराङगी को़न्‍क्षोकने घी श्‍यी़गीनगो, खोङगी खेराङला ॱनाङगीलाक ॱनेरी ङी स्‍येलीहो़क।”

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

योहान्‍ना 9:30

धेनी होदे मीगी़ ॱनेवालाक, “खेन्‍छाला, खो घाने फेप्‍कीनगो खेक्‍याला स्‍येये मीदुक हीना खी़ ङी ॱमीक पेवालाक।

योहान्‍ना 9:32

जीक्‍तेनगी थोक्‍माने, केने ॱहाला श्‍यारा हीन्‍गीनगी ॱमीक सो़दुक ॱनागीन, देरे लाब घोर माङ्युङ।

ईब्‍रीपा 10:7

धेनी ङी श्‍यी़वी, ‘के को़न्‍क्षोक शीक्‍ताङ, पेजागी नाङ ङी कोरला ढीक्‍टा च्‍योक्‍रे, खेराङगी थुकोङ डुप्‍येला ङा होहो़क।’”