योहान्‍ना 9:29 - ॱलोवा

²⁹ को़न्‍क्षोकगी मोशेला कामो़न सुङगीनगो हेक्‍याला स्‍येयेहो़क हीना दे मी दे घाने हुङगीनगो हेक्‍याला स्‍येयेमेक।”

योहान्‍ना 9:29 Iomraidhean Croise

मेथा 12:24

हीना फारुसीपाक्‍याई दे घोरती ॱनेवालाक, “दे मी देगी डेक्‍या तो़न्‍गीनगो डेक्‍याई चो, बेएलजेबुलगी थोक्‍ने च्‍यीगा लाक।”

मेथा 26:61

ॱनेवालाक, “दे मी देगी ‘ङा को़न्‍क्षोकगी क्षो़खाङ स्‍यीक्‍ती, श्‍याक्‍मो सुमला चीक थुक्‍येहो़क।’ ॱनेरी ॱनेजुङ।”

लुका 23:2

खुङक्‍याई खोङबाला देरे क्‍यो़न चुक्‍ती ॱनेवालाक, “मी दी होरी मीक्‍याला खोक्‍पा ग्‍याङगीन धाङ रोमापा ग्‍यावु केसारला ठा ज्‍याङयेला, मीक्‍याला काक्‍कीन धाङ खोराङला ग्‍यावु मास्‍यीका हीन ॱनागीनगो, हीकी थोजुङ।”

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 7:27

हीना मी दे घाने होवाले ॱनेरी होराङ स्‍येलालाक। धेनी मास्‍यीका ॱङो़न्‍तु जेदी घाङला, खोङ घाने फेप्‍पाले ॱनेरी सी़या स्‍येगी मालाक।”

योहान्‍ना 7:28

होझ्‍येरी क्षो़खाङगी नाङदु क्षो़ सुङी घाङला, येशुगी सुङकेक क्षेला सुङा जेपालाक, “ङा सु हीन्‍गीन धाङ ङा घाने हुङगीनगो, खेक्‍याला स्‍येये हो़तालाक। ङा ङाराङ राङश्‍यीगी होवामेन हीना ङाला ॱङाक्‍कीनगो धेन्‍पा हीन। धेनी खेक्‍याई खोङला ङो ॱमेस्‍येलालाक।

योहान्‍ना 8:14

येशुगी लेन जेपालाक, “ङी ङाराङला पाङपो झ्‍यीनाः, ङी पाङपो धेन्‍पा हीन घीझ्‍येरी ॱनाना ङा घाने होवा धाङ घारु डोयेगो ङाला स्‍येयेहो़क। हीना खेक्‍याई ङा घाने होवा याङना ङा घारु डोये हीन्‍गीनगो ॱमेस्‍येलालाक।

योहान्‍ना 9:16

फारुसीपा रीङगाक्‍याई ॱनेवालाक, “मी दी ङासुगीन ङीमागो ॱमारुङवा, दे मी दे को़न्‍क्षोकने मालाक।” हीना श्‍येम्‍माक्‍याई ॱनेवालाक, “मी धीक्‍चेन च्‍यीकगी देरे ताकक्‍या घाङगी झ्‍येरी झ्‍यी थुक्‍वाले?” धेनी होदुरु मीक्‍या खाक ॱङीला भेवालाक।

योहान्‍ना 9:24

होझ्‍येरी खुङक्‍याई एम्‍मा श्‍यारा हीन्‍गीन मीगोला याङ भो़री ॱनेवालाक, “को़न्‍क्षोकगी डुङदु धेन्‍पा स्‍यो़क। मी दे नी, धीक्‍चेन च्‍यीक लाक ॱनेरी हेक्‍याला स्‍येयेहो़क।”

योहान्‍ना 9:30

धेनी होदे मीगी़ ॱनेवालाक, “खेन्‍छाला, खो घाने फेप्‍कीनगो खेक्‍याला स्‍येये मीदुक हीना खी़ ङी ॱमीक पेवालाक।

जेपा 22:22

खुङक्‍याई पाउलुगी लाब देचो़ थुक्‍पेराङ ङेन्‍बालाक। धेनी खुङक्‍याई देरे फेरा ग्‍याप्‍पालाक, “देरे मीला से घोगीलाक! धेनी देला सो़न्‍पो धेदु च्‍युक्‍ये मेतालाक!”

जेपा 26:22

हीना धीरीङ दे ङीमा थुक्‍पे, ङाला को़न्‍क्षोकनेराङ रोक्‍राम जोरजुङ। होझ्‍येरी ङा दुरु हो़गीन क्षे-च्‍युङ घीरीला पाङपो तेरती लारी धेहो़क। ङी ॱङो़नस्‍येखेनक्‍या धाङ मोशेगी ॱङो़न स्‍येस्‍या माउपारगी लाब देक्‍या माना, श्‍येम्‍मा घीन्‍दा ॱलापच्‍या ॱमालाप हो़क।

जेपा 7:35

“खुङक्‍याई ‘ख्‍यो़ला हीकी खाला आङजा धाङ ठीम चेयेला सी़ को़जो?’ ॱनेरी ॱनागीन मोशेगो देराङ लाक। मे भारती धेता छेम्‍मा खोक्‍दु मोशेगी थोथा नाम्‍खे भाङछेनने, को़न्‍क्षोकगी खोला खुङक्‍याई गोठी झ्‍यीये धाङ क्‍योप्‍येगी क्षीला झावालाक।

ईब्‍रीपा 1:1

एम्‍मा को़न्‍क्षोकगी होरी धाङबी फामाक्‍यामुला ॱङो़नस्‍येखेनक्‍याई थोक्‍ने, थेङ माङपो धाङ थापस्‍यी माङाने का सुवालाक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।